ଯୁବକଙ୍କ ଉନ୍ମୁତ କାଣ୍ଡ, ଘରେ ପଶି ସ୍ୱାମୀ-ସ୍ତ୍ରୀଙ୍କୁ ଛୁରୀରେ ହାଣିଲା
ଭୁବନେଶ୍ୱର : ଭୁବନେଶ୍ୱର ପାଣ୍ଡରା ଅଞ୍ଚଳରେ ଅଭାବନୀୟ ଘଟଣା । ପାଣ୍ଡରା କିମ୍ଭିରିଆ ବସ୍ତିରେ ଜଣେ ଯୁବକଙ୍କ ଉନ୍ମୁତ କାଣ୍ଡ। ଘରେ ପଶି ସ୍ୱାମୀ-ସ୍ତ୍ରୀଙ୍କୁ ଛୁରୀରେ ଆକ୍ରମଣ କଲା ଯୁବକ । ଗୁରୁତର ଅବସ୍ଥାରେ ସ୍ୱାମୀ ସତ୍ୟବାନ୍ ସ୍ୱାଇଁ ଓ ପତ୍ନୀ ଶିବାନୀ ଗୌଡଙ୍କୁ ପ୍ରଥମେ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ଅବସ୍ଥା ଗୁରୁତର ପରେ ସ୍ୱାମୀ-ସ୍ତ୍ରୀଙ୍କୁ କଟକ ଏସସିବିକୁ ସ୍ଥାନାନ୍ତର କରାଯାଇଛି।
ସୂଚନା ଯେ, ପାଣ୍ଡରା ଅଞ୍ଚଳରେ ସ୍ୱାମୀ ସତ୍ୟବାନ ସ୍ୱାଇଁ ଏବଂ ପତ୍ନୀ ଶିବାନୀ ଗୌଡ ରହୁଥିଲେ । ହଠାତ୍ ତାଙ୍କ ଘରେ ଦୁର୍ବୃତ୍ତ ସ୍ୱାମୀ-ସ୍ତ୍ରୀଙ୍କୁ ଆକ୍ରମଣ କରିଥିଲେ । ଯେଉଁଥିରେ ଉଭୟ ସ୍ୱାମୀ-ସ୍ତ୍ରୀ ଲହୁଲୁହାଣ ହୋଇ ଚିତ୍କାର କରିଥିଲେ । ଘଟଣାସ୍ଥଳରୁ ଦୁର୍ବୃତ୍ତମାନେ ଫେରାର ହୋଇଯାଇଥିବା ବେଳେ ସ୍ଥାନୀୟ ଲୋକେ ପାଟି ଶୁଣି ପହଞ୍ଚିଥିଲେ । ଏହାପରେ ଗୁରୁତର ଅବସ୍ଥାରେ ସ୍ୱାମୀ ସତ୍ୟବାନ ସ୍ୱାଇଁ ଓ ସ୍ତ୍ରୀ ଶିବାନୀ ଗୌଡଙ୍କୁ କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ତାଙ୍କ ଅବସ୍ଥା ଗୁରୁତର ଥିବାରୁ କଟକ ଏସ୍ସିବିକୁ ସ୍ଥାନାନ୍ତରିତ କରାଯାଇଛି । ସେପଟେ ପୋଲିସ ମଧ୍ୟ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ହେଲେ ଏବେ ଯାଏଁ ଆକ୍ରମଣ ପଛର କାରଣ ଜଣାପଡିନାହିଁ । ତଦନ୍ତ ପରେ ପ୍ରକୃତ ସତ ସାମ୍ନାକୁ ଆସିବ ବୋଲି ସ୍ଥାନୀୟଲୋକେ ଆଶା ରଖିଛନ୍ତି । ଅନ୍ୟପକ୍ଷରେ ଉକ୍ତ ଯୁବକଙ୍କ ସହ ସ୍ତ୍ରୀର ପ୍ରେମ ସମ୍ପର୍କ ଥିବା କଥା ଚର୍ଚ୍ଚା ହେଉଥିବା ବେଳେ ଟଙ୍କା କାରବାରକୁ ନେଇ ଗଣ୍ଡଗୋଳ ହୋଇଥିବାର ଜଣାପଡ଼ିଛି ।
