ଟ୍ରେନ୍ରେ କଟି ମହିଳା ମୃତ
ରୂପସା : ଦକ୍ଷିଣ ପୂର୍ବ ରେଳପଥର ଖଡ଼ଗପୁର ଡିଭିଜନ ଅନ୍ତର୍ଗତ ବାଲେଶ୍ୱର ଜିଲା ରୂପସା ରେଳ ଷ୍ଟେସନ ନିକଟରେ ଟ୍ରେନରେ କଟି ଜଣେ ମହିଳାଙ୍କ ମୃତ୍ୟୁ ଘଟିଛି । ମୃତ ମହିଳାଙ୍କ ପରିଚୟ ଜଣାପଡ଼ି ନାହିଁ । ତାଙ୍କର ବୟସ ୪୦ ବର୍ଷ ହେବ ବୋଲି ଅନୁମାନ କରାଯାଇଛି । ଜିଆରପି ଥାନା ପୋଲିସ ରେଳଧାରଣାରୁ ମୃତ ଦେହ ଜବତ କରି ମଙ୍ଗଳବାର ବ୍ୟବଚ୍ଛେଦ ହୋଇଛି । ଏ ନେଇ ଏକ ଅପମୃତ୍ୟୁ ମାମଲା (ନଂ. ୯୨/୨୨) ରୁଜୁ ହୋଇ ତଦନ୍ତ ଜାରି ରହିଛି ।
ସୂଚନା ଯେ, ଗତ ସୋମବାର ରୂପସା ସାପ୍ତାହିକ ହାଟରୁ ସ୍ୱାମୀ, ସ୍ତ୍ରୀ ରେଳ ଧାରଣା ଅତିକ୍ରମ କରୁଥିବା ସମୟରେ ଡାଉନ ଲାଇନରେ ଧଉଳି ଏକ୍ସପ୍ରେସ ଟ୍ରେନରେ କଟି ଉକ୍ତ ମହିଳାଙ୍କ ମୃତ୍ୟୁ ଘଟିଥିବା ଅଭିଯୋଗ ହୋଇଛି ।
