ଗୋଠଛଡା ଦନ୍ତା ଆକ୍ରମଣରେ ମହିଳା ମୃତ
ବାରିପଦା : ମୟୁରଭଞ୍ଜ ଜିଲା ବାରିପଦା ଡିଭିଜନର ପିଠାବଟା ରେଞ୍ଜ ଅନ୍ତର୍ଗତ ଗଜଡିହି ସଂରକ୍ଷଣ ଜଙ୍ଗଲରେ ଅଭାବନୀୟ ଘଟଣା । ଗୋଠଛଡା ଦନ୍ତା ହାତୀ ଆକ୍ରମଣରେ ଜଣଙ୍କର ମୃତ୍ୟୁ । ମୃତକ ଜଣକ ହେଲେ ବଡସାହି ବ୍ଲକ୍ ଅଧୀନସ୍ଥ ଭରତଚନ୍ଦ୍ରପୁର ଗାଁର ୬୨ ବର୍ଷ ବୟସ୍କା ସୀତା ଟୁଡୁ ।
ସୂଚନା ଯେ, ମଙ୍ଗଳବାର ଭୋରରୁ ମହୁଲ ଫଳ ଗୋଟାଇବାକୁ ଯାଇଥିଲେ ସୀତା । ସେଠାରେ ସେ ହାତୀ ହାବୁଡରେ ପଡି ଯାଇଥିଲେ । ଦନ୍ତା ହାତୀ ଆକ୍ରମଣରେ ସୀତାଙ୍କର ମୃତ୍ୟୁ ହୋଇଛି । ଏହି ଗୋଠଛଡା ଦନ୍ତା ହାତୀ ସୋମବାର ସନ୍ଧ୍ୟାରେ ବେତନଟୀ ରେଞ୍ଜର ବଡଯୋଡ ଅଞ୍ଚଳରେ ମଧ୍ୟ ଘର ଭାଙ୍ଗିବା ସହିତ ବ୍ୟାପକ କ୍ଷୟକ୍ଷତି ଘଟାଇଛି । ସକାଳ ହେବା ପରେ ହାତୀଟି ପାଖ ଜଙ୍ଗଲରେ ରହିଛି । ବନ ବିଭାଗର କର୍ମଚାରୀ ହାତୀଟି ଉପରେ ନଜର ରଖିବା ସହିତ ତାକୁ ଘଉଡାଇବାକୁ ଚେଷ୍ଟା କରୁଛନ୍ତି ।
