ଭୁବନେଶ୍ୱରରେ ଗାଡି ମରାମତି କେନ୍ଦ୍ର କରି ଗୁଳିମାଡ଼, ଜଣେ ଆହତ
ଭୁବନେଶ୍ୱର : ଭୁବନେଶ୍ୱର ତମାଣ୍ଡୋ ଥାନା ଅନ୍ତର୍ଗତ ତମାଣ୍ଡୋ ବଜାରରେ ଥିବା ଏକ ଗାଡି ମରାମତି କେନ୍ଦ୍ର (ଗ୍ୟାରେଜ)ରେ ରବିବାର ସନ୍ଧ୍ୟାରେ ଗୁଳିକାଣ୍ଡ ଘଟି ଜଣେ ଆହତ ହୋଇଥିବା ଜଣାପଡିଛି।
ମିଳିଥିବା ସୂଚନାରୁ ଜଣା ପଡ଼ିଛି ଯେ,ଗତ କିଛିଦିନ ପୂର୍ବେ କେତେଜଣ ଯୁବକ ତାଙ୍କ ଗାଡି ମରାମତି କରିବାକୁ ଆଣିଥିଲେ।ଗାଡି ର ମାଲିକ ଗାଡି ମରାମତି କରି ଦେବାପରେ ଗାଡିର ମରାମତି ଖର୍ଚ୍ଚ ମାଗିଥିଲେ।ମାତ୍ର ସମ୍ପୃକ ଯୁବକ ମାନେ ପଇସା ଦେବା ବଦଳରେ ଓଲଟା ଗ୍ୟାରେଜ ର କର୍ମଚାରୀ ମାନଙ୍କୁ ବନ୍ଧୁକ ଦେଖାଇ ଧମକ ଦେଇ ଗାଡି ନେଇ ଚାଲି ଯାଇଥିଲେ।ରବିବାର ଦିନ ସନ୍ଧ୍ୟାରେ ପୁଣି ସେହି ଯୁବକ ମାନେ ଦୁଇଟି ଗାଡ଼ିରେ ଆସି ମରାମତି ହୋଇଥିବା ଗାଡ଼ିରେ ତ୍ରୁଟି ଥିବା ଦର୍ଶାଇ ବନ୍ଧୁକ ଦେଖାଇ ଧମକଚମକ ଦେଇଥିଲେ।ସେତେବେଳେ ଦୁଇଟି ଗାଡ଼ିରେ ଆସିଥିବା ପାଞ୍ଚ ଜଣ ଯୁବକ ସମ୍ପୁଣ୍ଣ ଭାବେ ନିଶାଗ୍ରସ୍ତ ଥିଲେ ବୋଲି ଜଣାପଡିଛି।ଗ୍ୟାରେଜ ର କର୍ମଚାରୀ ଙ୍କୁ ଗୁଳି କରିବାକୁ ଧମକ ଦେଉଥିବା ବେଳେ ନିଜନିଜ ମଧ୍ୟରେ ବନ୍ଧୁକ ଛଡ଼ାଛଡ଼ି ବେଳେ ଜଣେ ଦୃବୃତ୍ତ ଉତ୍ୟକ୍ତ ହୋଇ ତାର ସାଥି ଯୁବକ କୁ ଗୁଳି କରିଦେଇଥିଲା।ଯାହାଫଳରେ ସେ ଦୃବୃତ୍ତ ଜଣକ ଗୁରୁତର ଭାବେ ଆହତ ହୋଇଥିଲା।ଖବର ପାଇ ତମାଣ୍ଡୋ ଥାନା ପୋଲିସ ତୁରନ୍ତ ଘଟଣା ସ୍ଥଳ ରେ ପହଞ୍ଚି ପାଞ୍ଚ ଜଣ ଦୃବୃତ୍ତ କୁ କବ୍ଜା କୁ ନେବା ସହ ଗୋଟିଏ ବନ୍ଧୁକ, ଗୋଟିଏ ଖୋକା ଓ ସେମାନେ ଆସିଥିବା ଦୁଇଟି ଗାଡି କୁ ଜବତ କରିଥିଲେ।ପୋଲିସ କବ୍ଜା କୁ ନେଇଥିବା ଅଭିଯୁକ୍ତ ମାନେ ହେଲେ,ଚିତ୍ତ ରଞ୍ଜନ ମଲ୍ଲିକ, ରାକେଶ କୁମାର ବରାଳ, ସର୍ବେଶ୍ୱର ସେଠ,ସୁଶାନ୍ତ ପ୍ରଧାନ, ମାନସ କୁମାର ସାହୁ।
