ରାଜ୍ୟରେ ଫେରିବ ଶୀତ : ଖସିବ ପାରଦ, ଢାଙ୍କିବ କୁହୁଡି
ଭୁବନେଶ୍ୱର : ରାଜ୍ୟରେ ଫେରିବ ଶୀତ । ଆଗାମୀ କିଛି ଦିନ ମଧ୍ୟରେ ରାଜ୍ୟରେ ଶୀତ ଲହରୀ ଦେଖିବାକୁ ମିଳିପାରେ । ଯାହା ଫଳରେ ହାଡ଼ ଭଙ୍ଗା ଶୀତ ଅନୁଭବ କରିବେ ରାଜ୍ୟବାସୀ । ରାଜ୍ୟରେ ଗତକିଛି ଦିନ ଧରି ଶୀତର ଲୁଚକାଳି ସହ କୋହଲା ପାଗ ଜାରି ରହିଥିଲା । ତେବେ ଆସନ୍ତା ୨ରୁ ୩ ଦିନ ମଧ୍ୟରେ ରାତିର ସର୍ବନିମ୍ନ ତାପମାତ୍ରା ୩ରୁ ୫ ଡିଗ୍ରୀ ପର୍ଯ୍ୟନ୍ତ ହ୍ରାସ ପାଇବା ନେଇ ଆକଳନ କରିଛି ପାଣିପାଗ ବିଜ୍ଞାନ କେନ୍ଦ୍ର । ଏହାପରେ ବିଶେଷ ପରିବର୍ତ୍ତନର ସମ୍ଭାବନା ନାହିଁ ।
ଏହାସହ ଗଜପତି, ଗଂଜାମ, ପୁରୀ, ମାଲକାନଗିରି, କୋରାପୁଟ, ରାୟଗଡା, କନ୍ଧମାଳ, ନବରଙ୍ଗପୁର, କଳାହାଣ୍ଡି ଜିଲାରେ ହାଲୁକାରୁ ମଧ୍ୟମ ଧରଣର ବର୍ଷା ସମ୍ଭାବନା ରହିଛି । ଏହାସହ ଆସନ୍ତା ଦୁଇ ଦିନ ଯାଏଁ ଆଭ୍ୟନ୍ତରୀଣ ଓଡିଶାର କିଛି ଜିଲାରେ ମଧ୍ୟମ ଧରଣର କୁହୁଡି ଦେଖାଦେବା ନେଇ ପୂର୍ବାନୁମାନ କରିଛି କେନ୍ଦ୍ର ।
