ଇଡବ୍ଲୁଏସ୍ ରେ କାହାକୁ ଓ କିପରି ମିଳିବ ୧୦% ସଂରକ୍ଷଣ? ଜାଣନ୍ତୁ ପୂରା ତଥ୍ୟ

ନୂଆଦିଲ୍ଲୀ : ଅପରିବର୍ତ୍ତିତ ରହିବ ଇଡବ୍ଲୁଏସ୍ ରେ କାହାକୁ ଓ କିପରି ମିଳିବ ୧୦% ସଂରକ୍ଷଣ? ଜାଣନ୍ତୁ ପୂରା ତଥ୍ୟ ସଂରକ୍ଷଣ। ସୋମବାର ସୁପ୍ରିମକୋର୍ଟ ଏହି ଐତିହାସିକ ନିଷ୍ପତ୍ତି ନେଇଛନ୍ତି। ଆର୍ଥିକ ଦୁର୍ବଳ ଶ୍ରେଣୀର ସାଧାରଣ ବର୍ଗଙ୍କ ସଂରକ୍ଷଣ ସପକ୍ଷରେ ସର୍ବୋଚ୍ଚ ଅଦାଲତ ମୋହର ମାରିଛନ୍ତି। ଏହା ସମ୍ବିଧାନର ମୂଳ ଢାଞ୍ଚାକୁ ଉଲ୍ଲଙ୍ଘନ କରୁନାହିଁ ବୋଲି ବିଚାରପତି କହିଛନ୍ତି। ମୁଖ୍ୟ ବିଚାରପତି ୟୁୟୁ ଲଳିତଙ୍କ ନେତୃତ୍ୱାଧିନ ସମ୍ବିଧାନୀକ ଖଣ୍ଡପୀଠ ରାୟ ପ୍ରକାଶ କରିଛନ୍ତି। କିନ୍ତୁ ଏହି ରାୟ ୩-୨ରେ ଆସିଛି। ମୁଖ୍ୟ ବିଚାରପତିଙ୍କ ସମେତ ଦୁଇ ଜଣ ଜଷ୍ଟିସ ଇଡବ୍ଲୁଏସ୍ ସଂରକ୍ଷଣକୁ ବିରୋଧ କରିଛନ୍ତି। ତେବେ ଆସନ୍ତୁ ଜାଣିବା ଇଡବ୍ଲୁଏସ୍ ସଂରକ୍ଷଣ କାହାକୁ ଓ କିପରି ମିଳିବ..

ଇଡବ୍ଲୁଏସ୍ ର ମୁଖ୍ୟ ହିତାଧିକାରୀ କିଏ?

ଜାତି ଏବଂ ଶ୍ରେଣୀ ଉପରେ ଆଧାରିତ ସଂରକ୍ଷଣ ପରି, ଇଡବ୍ଲୁଏସ୍ କୋଟା ଆର୍ଥିକ ଦୁର୍ବଳ ଶ୍ରେଣୀର ସାଧାରଣ ବର୍ଗକୁ ସଂରକ୍ଷଣ ପ୍ରଦାନ କରିଥାଏ। ଏକ ସାଧାରଣ ବର୍ଗର ବ୍ୟକ୍ତି ଇଡବ୍ଲୁଏସ୍ ଅଧୀନରେ ଆସିବା ତାଙ୍କ ପରିବାରର ବାର୍ଷିକ ଆୟ ଉପରେ ନିର୍ଭର କରେ। ଜଣେ ବ୍ୟକ୍ତି ଇଡବ୍ଲୁଏସ୍ କୋଟା ଅଧୀନରେ ଆସିବା ପାଇଁ, ତାଙ୍କ ପରିବାରର ବାର୍ଷିକ ଆୟ ୮ ଲକ୍ଷ ଟଙ୍କାରୁ କମ୍ ହେବା ଉଚିତ୍। ଏଠାରେ, ଆୟର ଉତ୍ସ କୃଷି, ବ୍ୟବସାୟ ଏବଂ ଅନ୍ୟାନ୍ୟ ବୃତ୍ତି ମଧ୍ୟ ଅନ୍ତର୍ଭୁକ୍ତ ଅଟେ।

ଇଡବ୍ଲୁଏସ୍ ର ସମ୍ପତ୍ତି ଉପରେ ବାଧ୍ୟତାମୂଳକ ସର୍ତ୍ତ :

ଇଡବ୍ଲୁଏସ୍ ଅଧିନକୁ ଆସୁଥିବା ହିତାଧିକାରୀମାନଙ୍କ ପାଇଁ କିଛି ବାଧ୍ୟତାମୂଳକ ସର୍ତ୍ତ ରହିଛି। ଏହି ବର୍ଗ ଅଧୀନରେ ଥିବା ବ୍ୟକ୍ତିଙ୍କର ୫ ଏକରରୁ କମ୍ କୃଷି ଜମି ଥିବା ଆବଶ୍ୟକ। ଏହା ସହିତ, ତାଙ୍କ ଆବାସିକ ଗୃହ ୨୦୦ ବର୍ଗ ମିଟର କିମ୍ବା ଏଥିରୁ ଅଧିକ ହେବା ଉଚିତ୍ ନୁହେଁ। ଯଦି ଏକ ଆବାସିକ ଗୃହ ୨୦୦ ବର୍ଗ ମିଟରରୁ ଅଧିକ, ଏହା ପୌରସଂସ୍ଥା ଅଧୀନରେ ଆସିବା ଉଚିତ୍ ନୁହେଁ।

ଇଡବ୍ଲୁଏସ୍ ସଂରକ୍ଷଣ କେଉଁଠାରେ ପ୍ରଯୁଜ୍ୟ?

ଇଡବ୍ଲୁଏସ୍ ସଂରକ୍ଷଣ ସରକାରୀ ଚାକିରି ପାଇଁ ସଂରକ୍ଷଣ ପ୍ରଦାନ କରିବା ସହିତ ଶିକ୍ଷାନୁଷ୍ଠାନରେ ଆଡମିଶନ ପାଇଁ ଆବେଦନ କରିବାରେ ସଂରକ୍ଷଣ ପ୍ରଦାନ ପ୍ରଦାନ କରିଥାଏ। ଶିକ୍ଷାନୁଷ୍ଠାନ ଏବଂ ସରକାରୀ ଚାକିରିରେ ଆଡମିଶନ ପାଇଁ EWS କୋଟା ଅଧୀନରେ ୧୦ ପ୍ରତିଶତ ସଂରକ୍ଷଣ ରହିବ।