ଭାରତରେ ପ୍ରଥମେ କେବେ ତିଆରି କରାଯାଇଥିଲା ଧନିଆ ଚଟଣି ? ଜାଣନ୍ତୁ ପୂରା କାହାଣୀ

ସହରଠାରୁ ଗାଁ ପର୍ଯ୍ୟନ୍ତ ଭାତ ଡାଲି ସହ ଚଟଣିର ସ୍ବାଦ କିଛି ନିଆରା ଥାଏ। ଯେତେବେଳେ ଭାରତର ସାଧାରଣ ଘରେ ଥାଳିରେ କୌଣସି ପନିପରିବା ନଥାଏ, ଲୋକମାନେ ଭାତ, ମସୁର ଡାଲି ସହିତ ଚଟଣି ବ୍ୟବହାର କରି ସେମାନଙ୍କର ଭୋଜନ ସମାପ୍ତ କରନ୍ତି । ବୋଧହୁଏ ଆପଣ ବି ଚଟଣି ଖାଇଥିବେ । ହୁଏତ ଆପଣ ଭିନ୍ନ ପ୍ରକାରର ଚଟଣୀ ପସନ୍ଦ କରୁ ଥାଇ ପାରନ୍ତି । ଆପଣ ସିଙ୍ଗଡ଼ା ସହିତ ଚଟଣି ଖାଇପାରିବେ ଆଉ ଖାଉଥିବେ ମଧ୍ଯ । କିନ୍ତୁ ଆପଣ କେବେ ଚିନ୍ତା କରିଛନ୍ତି କି ପ୍ରଥମେ ଚଟଣି କେମିତି ତିଆରି ହେଲା ? ଆଜିର କାହାଣୀରେ ଆମେ ଆପଣଙ୍କୁ ଏ ବିଷୟରେ କହିବାକୁ ଯାଉଛୁ ।

ଚଟଣିର ଇତିହାସ :

ଯଦି ଆମେ ଚଟଣି ଇତିହାସ ବିଷୟରେ ଆଲୋଚନା କରିବା, ତେବେ ଆମକୁ ୨୦୦୦ ବର୍ଷ ଫେରିବାକୁ ପଡିବ । ଚଟଣି ପ୍ରଥମେ ଭାରତୀୟ ଉପମହାଦେଶରେ ଏକ ନୂତନ ଉପାଦାନ ଭାବରେ ଏକ ସସ୍ ରୁ ପେଷ୍ଟ ଭାବରେ ବ୍ୟବହୃତ ହୋଇଥିଲା । ବିଶ୍ୱାସ କରାଯାଏ ଯେ ଶାହାଜାହାନଙ୍କ ଶାସନ କାଳରେ ପ୍ରଥମ ଥର ପାଇଁ ଚଟଣି ତିଆରି କରାଯାଇଥିଲା। ଏହାର ଏକ ପ୍ରସିଦ୍ଧ କାହାଣୀ ମଧ୍ୟ ଅଛି ।  ଥରେ ଶାହାଜାହାନଙ୍କ ସ୍ୱାସ୍ଥ୍ୟ ଅତ୍ୟନ୍ତ ଖରାପ ହୋଇଯାଇଥିଲା । ସେ ଖାଇବା ପିଇବା ବନ୍ଦ କରିଦେଇଥିଲେ । ସେ କୌଣସି ଖାଦ୍ୟର ସ୍ୱାଦ ଜାଣି ପାରୁନଥିଲେ । ତା’ପରେ ତାଙ୍କ ବୈଦ କିଛି ଚଟପଟା ପ୍ରସ୍ତୁତ କରି ଖାଇବାକୁ ଦେବା ପାଇଁ ପରାମର୍ଶ ଦେଇଥିଲେ। ସେହି ସମୟରେ ଏହା ପ୍ରସ୍ତୁତ କରାଯାଇଥିଲା, ଯେଉଁଥିରେ ପୋଦିନା ଓ ଧନିଆ ବ୍ୟବହୃତ ହୋଇଥିଲା । କାରଣ ଏହାକୁ ଚାଟି ଚାଟି ଖାଇବାକୁ ପଡ଼େ। ତେଣୁ ଏହାର ନାମ ଚଟଣି ରଖାଗଲା ।

ଆଜି ଏହା ସମଗ୍ର ବିଶ୍ୱରେ ପ୍ରସିଦ୍ଧ :

ଆଜିର ସମୟରେ ଅନେକ ପ୍ରକାରର ଚଟଣି ବଜାରକୁ ଆସିଛି । ଏକ ସ୍ୱତନ୍ତ୍ର ସ୍ୱାଦ ସହିତ ପ୍ରସ୍ତୁତ ମିଠା ଚଟଣି, ରାଗ ଚଟଣି ଓ କିଛି ସ୍ୱତନ୍ତ୍ର ଫ୍ଲେବରରେ ପ୍ରସ୍ତୁତ କରାଯାଇଥିବା ଚଟଣି। ଆଜିକାଲି କେବଳ ଭାରତରେ ନୁହେଁ, ବିଦେଶରେ ମଧ୍ୟ ଚଟଣି ବହୁତ ପସନ୍ଦ କରନ୍ତି । ଯେତେବେଳେ ବ୍ରିଟିଶମାନେ ଭାରତ ଉପରେ ଶାସନ କରୁଥିଲେ, ଅନେକ ବରିଷ୍ଠ ବ୍ରିଟିଶ ଅଧିକାରୀ ଖାଇବା ସମୟରେ ଚଟଣି ଖାଇବାକୁ ପସନ୍ଦ କରିଥିଲେ ।