ଜିଲାପାଳଙ୍କ ଏମକେସି ହାଇସ୍କୁଲ ଶିକ୍ଷକ ପ୍ରଶିକ୍ଷଣ କେନ୍ଦ୍ର ପରିଦର୍ଶନ
ବାରିପଦା : ମୟୂରଭଞ୍ଜ ଜିଲାର ଫାଇଭ-ଟି ହାଇସ୍କୁଲ ସମୂହରେ କାର୍ଯ୍ୟରତ ଶିକ୍ଷକ ମାନଙ୍କର ଦକ୍ଷତା ବୃଦ୍ଧି ନିମନ୍ତେ ଓକେସିଏଲ ତରଫରୁ ଜିଲାର ୬୭ ଟି ତାଲିମ କେନ୍ଦ୍ରରେ ଏକା ସହିତ ପ୍ରଶିକ୍ଷଣ ପ୍ରଦାନ କରାଯାଉଛି । ଏହି ପରିପ୍ରେକ୍ଷୀରେ ମୟୂରଭଞ୍ଜ ଜିଲାପାଳ ବିନିତ ଭରଦ୍ୱାଜ ଏମକେସି ହାଇସ୍କୁଲ ପରିଦର୍ଶନରେ ଆସି ପ୍ରଶିକ୍ଷଣ କାର୍ଯ୍ୟକ୍ରମର ଅନୁଧ୍ୟାନ କରିବା ସହ ଶିକ୍ଷକ ମାନଙ୍କୁ ଦକ୍ଷତା ବୃଦ୍ଧି ନିମିତ ବିଭିନ୍ନ ଉପାଦେୟ ପରାମର୍ଶ ପ୍ରଦାନ କରିଥିଲେ ।
ମୟୂରଭଞ୍ଜ ଜିଲା ଶିକ୍ଷା ଅଧିକାରୀ ନବକିଶୋର ଗିରି କାର୍ଯ୍ୟକ୍ରମରେ ଉପସ୍ଥିତ ଥିବା ବେଳେ, ଜିଲା ସଂଯୋଜକ ସମରେନ୍ଦ୍ର ବଶା ପ୍ରଶିକ୍ଷକ ଭାବେ ବିଭିନ୍ନ ବୈଷୟିକ ଶିକ୍ଷା ସୂଚନା ପ୍ରଦାନ କରିଥଲେ । ବିଦ୍ୟାଳୟର ଭାରପ୍ରାପ୍ତ ପ୍ରଧାନ ଶିକ୍ଷକ ଗୋବିନ୍ଦ ଚନ୍ଦ୍ର ରାଉତଙ୍କ ସଂଯୋଜନାରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ଶିକ୍ଷକ ଅମିତାଭ ମିଶ୍ର ,ମନୋଜ କୁମାର ପରିଡା ପ୍ରମୁଖ ସହଯୋଗ କରିଥିଲେ ।
