ଅନୁଷ୍କାଙ୍କ ସହ ରୋମାଣ୍ଟିକ୍ ଫଟୋ ସେୟାର କଲେ ବିରାଟ
ନୂଆଦିଲ୍ଲୀ : ଇଂଲଣ୍ଡ ଗସ୍ତରେ ଅଛନ୍ତି ଭାରତୀୟ କ୍ରିକେଟ ଦଳର ଅଧିନାୟକ ବିରାଟ କୋହଲି । ବୁଧବାର ଠାରୁ ଭାରତ ଓ ଇଂଲଣ୍ଡ ମଧ୍ୟରେ ଟେଷ୍ଟ୍ ମ୍ୟାଚ୍ ଆରମ୍ଭ ହେବାକୁ ଯାଉଛି । ଏହି ପରିପ୍ରେକ୍ଷୀରେ ବିରାଟ ସୋସିଆଲ ମିଡିଆରେ ରବିବାର ଏକ ଫଟୋ ସେୟାର କରିଛନ୍ତି । ଏଥିରେ ତାଙ୍କ ପତ୍ନୀ ତଥା ବଲିଉଡ ଅଭିନେତ୍ରୀ ଅନୁଷ୍କା ଶର୍ମା ମଧ୍ୟ ନଜର ଆସିଛନ୍ତି ।
ବିରାଟ ଓ ଅନୁଷ୍କା ସବୁଠାରୁ ଅଧିକର ଫଲୋଅର୍ସ ଥିବା କପଲଙ୍କ ମଧ୍ୟରୁ ଅନ୍ୟତମ ଅଟନ୍ତି । ସେମାନେ ପ୍ରାୟତଃ ସେମାନଙ୍କ ଫଟୋ ଓ ଭିଡିଓ ସୋସିଆଲ ମିଡିଆରେ ସେୟାର କରିଥାନ୍ତି । ସେମାନଙ୍କ ଫ୍ୟାନ୍ସମାନେ ମଧ୍ୟ ଫଟୋ ଓ ଭିଡିଓକୁ ଅପେକ୍ଷା କରିଥାନ୍ତି । ଏବେ ବିରାଟ ଯେଉଁ ଫଟୋ ପୋଷ୍ଟ କରିଛନ୍ତି ତାକୁ ଇନଷ୍ଟାଗ୍ରାମ ଷ୍ଟୋରୀରେ ସେୟାର କରିଛନ୍ତି । ଉଭୟ ୨୦୧୭ରେ ବିବାହ କରିଥିଲେ । ସେମାନଙ୍କର ଏକ କନ୍ୟା ସନ୍ତାନ ମଧ୍ୟ ରହିଛି । ୩୨ ବର୍ଷୀୟ ବିରାଟ ନିଜ ଇନଷ୍ଟାଗ୍ରାମ ଷ୍ଟୋରୀରେ ଅନୁଷ୍କାଙ୍କ ସହ ଏକ ସୁନ୍ଦର ଫଟୋ ସେୟାର କରିଛନ୍ତି । ଏହି ଫଟୋରେ ଉଭୟ ଏକାଠି ବସିଛନ୍ତି । ଏହାସହ କିଛି ଖାଉଛନ୍ତି ମଧ୍ୟ । ଯାହା ଉଭୟଙ୍କ ଭଲ ପାଇବାକୁ ବୟାନ କରୁଛି । ଏବେ ଅନୁଷ୍କା ବିରାଟଙ୍କ ସହ ଇଂଲଣ୍ଡରେ ଅଛନ୍ତି । ନିକଟରେ ବିରାଟ ନିଜ ଝିଅଙ୍କ ସହ ମଧ୍ୟ ଫଟୋ ସେୟାର କରିଥିଲେ ।
