ବିରାଟଙ୍କ ପାଖରେ ଇତିହାସ ରଚିବାର ବଡ଼ ସୁଯୋଗ ! ଟି-୨୦ ବିଶ୍ୱକପର ଏହି ‘ମହା ରେକର୍ଡ’ ଭାଙ୍ଗିବାଠୁ ମାତ୍ର ଏତିକି ରନ ଦୂରରେ
ସିଡନୀ : ଆଜି ସିଡନୀରେ ନେଦରଲ୍ୟାଣ୍ଡ ବିପକ୍ଷରେ ଟିମ୍ ଇଣ୍ଡିଆ ସୁପର-୧୨ରେ ନିଜର ଦ୍ୱିତୀୟ ମ୍ୟାଚ୍ ଖେଳିବ । ଏହି ମ୍ୟାଚରେ ବିରାଟ କୋହଲିଙ୍କ ପାଖରେ ଟି-୨୦ ବିଶ୍ୱକପର କିଙ୍ଗ୍ ହେବାର ଏକ ବଡ଼ ସୁଯୋଗ ରହିଛି । ପାକିସ୍ତାନ ବିପକ୍ଷରେ ବିରାଟ କୋହଲି ୮୨ ରନର ଅପରାଜିତ ଇନିଂସ ଖେଳିଥିଲେ ।
ବିରାଟ କୋହଲି ପାକିସ୍ତାନ ବିପକ୍ଷରେ ଏକ ଧମାକାଦାର ଇନିଂସ ଖେଳି ଟିମ୍ ଇଣ୍ଡିଆକୁ ବିଜୟ ପ୍ରଦାନ କରିଥିଲେ । ବର୍ତ୍ତମାନ ପ୍ରଶଂସକମାନେ ନେଦରଲ୍ୟାଣ୍ଡ ବିପକ୍ଷରେ ବିରାଟ କୋହଲିଙ୍କ ସେହିପରି ଦମଦାର୍ ବ୍ୟାଟିଂ ଦେଖିବା ପାଇଁ ଚାହିଁବେ । ଆଜି ସିଡନୀରେ ନେଦରଲ୍ୟାଣ୍ଡ ବିପକ୍ଷରେ ଟିମ୍ ଇଣ୍ଡିଆ ସୁପର-୧୨ରେ ନିଜର ଦ୍ୱିତୀୟ ମ୍ୟାଚ୍ ଖେଳିବ । ଏହି ମ୍ୟାଚରେ ବିରାଟ କୋହଲିଙ୍କ ପାଖରେ ଟି-୨୦ ବିଶ୍ୱକପର କିଙ୍ଗ୍ ହେବାର ଏକ ବଡ଼ ସୁଯୋଗ ରହିଛି । ଯଦି କୋହଲି ଆଜି ନେଦରଲ୍ୟାଣ୍ଡ ବିପକ୍ଷରେ ୭୩ ରନ କରି ନିଅନ୍ତି, ତେବେ ସେ ଟି-20 ବିଶ୍ୱକପ ଇତିହାସରେ ସବୁଠାରୁ ଦ୍ରୁତ ୧,୦୦୦ ରନ୍ ସ୍କୋର କରିବାର କୀର୍ତ୍ତିମାନ ନିଜ ନାମରେ କରିନେବ । ଏପର୍ଯ୍ୟନ୍ତ ଏହି ରେକର୍ଡ ଶ୍ରୀଲଙ୍କାର ପୂର୍ବତନ ଅଧିନାୟକ ମହେଲା ଜୟାୱାର୍ଦ୍ଧେନଙ୍କ ନାମରେ ଅଛି ।
ପାକିସ୍ତାନ ବିପକ୍ଷରେ ବିରାଟ କୋହଲି ୮୨ ରନର ଅପରାଜିତ ଇନିଂସ ଖେଳିଥିଲେ । ଏହି ଇନିଂସ ପରେ ବିରାଟ କୋହଲିଙ୍କ ନାମରେ ଟି-୨୦ ବିଶ୍ୱକପରେ ୯୨୭ ରନ ହୋଇସାରିଛି । ସେପଟେ ଟି-୨୦ ବିଶ୍ୱକପରେ ସର୍ବାଧିକ ରନ ସ୍କୋର କରିଥିବା ଖେଳାଳିଙ୍କ ତାଲିକାରେ ମହେଲା ଜୟାୱାର୍ଦ୍ଧେନ ଓ କ୍ରିସ ଗେଲଙ୍କ ପରେ ବିରାଟ କୋହଲି ତୃତୀୟ ସ୍ଥାନରେ ଅଛନ୍ତି । ଏହି ତାଲିକାରେ ମହେଲା ଜୟାୱାର୍ଦ୍ଧେନ ହେଉଛନ୍ତି ଏକମାତ୍ର ବ୍ୟାଟ୍ସମ୍ୟାନ୍ ଯିଏକି ତାଙ୍କ ନାମରେ ୧,୦୦୦ରୁ ଅଧିକ ରନ୍ କରିନେଇଛନ୍ତି । ମହେଲା ଜୟାୱାର୍ଦ୍ଧେନ ୨୦୦୭ରୁ ୨୦୧୪ ଟି-୨୦ ବିଶ୍ୱକପ ପର୍ଯ୍ୟନ୍ତ ମୋଟ ୧,୦୧୬ ରନ୍ ସ୍କୋର କରିଥିଲେ ।
ଏଠାରେ କହି ରଖୁଛୁ ଯେ, ମହେଲା ଜୟାୱାର୍ଦ୍ଧେନ ଟି-୨୦ ବିଶ୍ୱକପରେ ୨୫ ଇନିଂସରେ ୧,୦୦୦ ରନ୍ ସଂଗ୍ରହ କରିଥିବାବେଳେ ବିରାଟ କୋହଲି ୨୦ ଇନିଂସରେ ୯୨୭ ରନ୍ ସଂଗ୍ରହ କରିଛନ୍ତି । ଯଦି ବିରାଟ କୋହଲି ଆଜି ୭୩ ରନ୍ କରିନିଅନ୍ତି, ତେବେ ସେ ଟି-୨୦ ବିଶ୍ୱକପରେ ୧,୦୦୦ ରନ୍ ସ୍କୋର କରିବାରେ ଦ୍ରୁତତମ ବ୍ୟାଟ୍ସମ୍ୟାନ୍ ହେବେ । ଯଦି ସେ ନେଦରଲ୍ୟାଣ୍ଡ ବିପକ୍ଷରେ ଏପରି କରିବାକୁ ସକ୍ଷମ ନେ ହେବେ, ତଥାପି ତାଙ୍କୁ ଆହୁରି କିଛି ସୁଯୋଗ ମିଳିବ । ଅନ୍ୟପକ୍ଷରେ ଯଦି ବିରାଟ କୋହଲି ଆଜି ନେଦରଲ୍ୟାଣ୍ଡ ବିପକ୍ଷରେ ୩୯ ରନ୍ ସ୍କୋର କରିବାରେ ସଫଳ ହୁଅନ୍ତି, ତେବେ ସେ ଟି-୨୦ ବିଶ୍ୱକପରେ ଦ୍ୱିତୀୟ ସର୍ବାଧିକ ରନ୍ କରିଥିବା ଖେଳାଳି ହୋଇଯିବେ । ଏହାସହ ସେ ୱେଷ୍ଟଇଣ୍ଡିଜ୍ର ପୂର୍ବତନ ଓପନର୍ କ୍ରିସ୍ ଗେଲଙ୍କ ରେକର୍ଡ ଭାଙ୍ଗିବେ ।
ସୂଚନା ଯେ, ଟି-୨୦ ବିଶ୍ୱକପରେ ସର୍ବାଧିକ ରନ୍ କରିଥିବା ତାଲିକାରେ ମହେଲା ଜୟାୱାର୍ଦ୍ଧେନ ପ୍ରଥମ ସ୍ଥାନରେ ଅଛନ୍ତି । ସେ ୧,୦୧୬ ରନ କରିଛନ୍ତି । ତାଙ୍କ ପରେ କ୍ରିସ୍ ଗେଲ୍ ୯୬୫ ରନ ସହ ଦ୍ୱିତୀୟ ସ୍ଥାନରେ ଅଛନ୍ତି । ଏହାପରେ ବିରାଟ କୋହଲି ୯୨୭ ରନ ସହ ତୃତୀୟ ସ୍ଥାନରେ ଅଛନ୍ତି । ତିଲକରତ୍ନେ ଦିଲଶାନ୍ ୮୯୭ ରନ୍ ସହ ଚତୁର୍ଥ ସ୍ଥାନରେ ଥିବାବେଳେ ଭାରତୀୟ ଅଧିନାୟକ ରୋହିତ ଶର୍ମା ୮୫୧ ରନ୍ ସହ ପଞ୍ଚମ ସ୍ଥାନରେ ଅଛନ୍ତି ।
