ମୋଟର ଭେଇକିଲ ନିୟମ ଉଲଙ୍ଘନ ; ୩୨ ଜଣଙ୍କ ଠାରୁ ଜୋରିମାନା ଆଦାୟ
କନ୍ଧମାଳ : କନ୍ଧମାଳ ଜିଲା ପୋଲିସ ଗତ ୨୪ ଘଂଟା ମଧ୍ୟରେ ବିଭିିନ୍ନ ସ୍ଥାନରେ ଗାଡି ଚେକିଂ ବେଳେ ମୋଟର ଭେଇକିଲ ନିୟମକୁ ଅମାନ୍ୟ କରିବା ଅପରାଧରେ ସମୁଦାୟ ୩୯୯ ଟି ଗାଡି ଚେକିଂ କରି ୪ ଜଣଙ୍କ ଡିଏଲ କ୍ୟାନ୍ସେଲ୍ କରାଯିବା ସହିତ ୩୨ ଜଣଙ୍କ ଠାରୁ ୧୯ ହଜାର ୫୦୦ ଟଙ୍କା ଜୋରିମାନା ଆଦାୟ କରିଛି ।
ସମୁଦାୟ ଜିଲ୍ଲାରେ ୨ ଟି ଅବକାରୀ ମାମଲା ରୁଜୁ କରିବା ସହିତ ୫ ଲିଟର ଦେଶୀ ମଦ ଓ ୧୬.୯ ଲିଟର ବିଦେଶୀ ମଦ ଜବତ କରିବା ସହିତ ୨ ଜଣଙ୍କୁ ନୋଟିସ୍ ଜାରି କରାଯାଇଛି । ମଦପାନ କରି ଗାଡି ଚଲାଉ ଥିବା ଅପରାଧରେ ୫ ଜଣଙ୍କ ବିରୋଧରେ ତୁରନ୍ତ କାର୍ଯ୍ୟାନୁଷ୍ଠାନ ନିଆଯାଇଛି ବୋଲି ଏ ସଂପର୍କରେ କନ୍ଧମାଳ ପୋଲିସ୍ ଦ୍ୱାରା ଟ୍ୱିଟ କରି ସୁଚନା ଦିଆଯାଇଛି ।
