ହଙ୍ଗେରୀରୁ ଭାରତୀୟଙ୍କ ଶେଷ ବ୍ୟାଚ ସହ ସ୍ୱଦେଶ ଫେରିଲେ କେନ୍ଦ୍ରମନ୍ତ୍ରୀ
ନୂଆଦିଲ୍ଲୀ: କେନ୍ଦ୍ର ସରକାରଙ୍କ ଅପରେସନ ଗଙ୍ଗା ଜରିଆରେ ହଙ୍ଗେରୀ ରାଜଧାନୀ ବୁଡାପେଷ୍ଟରୁ ୬,୭୧୧ ଭାରତୀୟ ଛାତ୍ରଙ୍କୁ ଉଦ୍ଧାର କରାଯାଇଛି । ଭାରତୀୟଙ୍କ ଶେଷ ବ୍ୟାଚ ସହ କେନ୍ଦ୍ରମନ୍ତ୍ରୀ ହରଦୀପ ସିଂହ ପୁରୀ ହଙ୍ଗେରୀରୁ ଦିଲ୍ଲୀ ଫେରିଛନ୍ତି । ଏନେଇ କେନ୍ଦ୍ରମନ୍ତ୍ରୀ ଟ୍ୱିଟ୍ କରି ଖୁସି ବ୍ୟକ୍ତ କରିଛନ୍ତି ।
କେନ୍ଦ୍ରମନ୍ତ୍ରୀ ହରଦୀପ ସିଂହ ପୁରୀ ଟ୍ୱିଟ କରି ଲେଖିଛନ୍ତି ଯେ, ବୁଡାପେଷ୍ଟରୁ ୬,୭୧୧ ଛାତ୍ରଙ୍କ ଶେଷ ବ୍ୟାଚ ସହ ଦିଲ୍ଲୀ ପହଞ୍ଚି ଖୁବ୍ ଖୁସି ଅନୁଭବ କରୁଛି । ଏହି ଯୁବା ଯେତେବେଳେ ଘରେ ପହଂଚିବେ ଏବଂ ଯଥାଶୀଘ୍ର ତାଙ୍କ ମାତାପିତା ଓ ପରିବର୍ଗଙ୍କ ଗହଣରେ ଥିବେ ସେତେବେଳେ ତାଙ୍କ ଘରେ ଉତ୍ସାହ, ଖୁସି ଓ ଆଶ୍ୱସ୍ତିର ପରିବେଶ ସୃଷ୍ଟି ହେବ ।
