ବେଳାଭୂମିରୁ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର
ପୁରୀ : ପୁରୀ ସମୁଦ୍ର ବେଳାଭୂମିରୁ ଜଣେ ଅଜଣା ବ୍ୟକ୍ତିଙ୍କ ମୃତଦେହ ଉଦ୍ଧାର ହୋଇଛି । ବେଳାଭୂମୀର ୮ ନମ୍ବର ସେକ୍ଟରରୁ ଏହି ମୃତଦେହ ଉଦ୍ଧାର ହୋଇଛି ।
ଶୁକ୍ରବାର ସକାଳେ ଲାଇଫ୍ ଗାର୍ଡମାନେ ଡ୍ୟୁଟି କରିବାକୁ ଆସୁଥିବା ବେଳେ ମୃତଦେହକୁ ଦେଖିଥିଲେ । ଏହା ପରେ ପୋଲିସକୁ ଖବର ଦେଇଥିଲେ । ପରେ ମୃତଦେହକୁ ସମୁଦ୍ରକୂଳ ଥାନା ପୋଲିସ ଉଦ୍ଧାର କରିବା ସହ ଘଟଣାର ତଦନ୍ତ ଜାରି ରଖିଛି । ମୃତ ବ୍ୟକ୍ତିଙ୍କ ବୟସ ୫୦ ବର୍ଷରୁ ଉର୍ଦ୍ଧ୍ୱ ହେବ ବୋଲି ଅନୁମାନ କରାଯାଉଛି । ବ୍ୟକ୍ତି ଜଣଙ୍କ ଏକ ଧଳା ସାର୍ଟ ଓ କଫି ରଙ୍ଗର ପ୍ୟାଣ୍ଟ ପିନ୍ଧିଥିବା ଦେଖିବାକୁ ମିଳିଛି ।
