ଟିଭି ଅଭିନେତ୍ରୀ ସୋନାଲି ଚକ୍ରବର୍ତୀଙ୍କ ଦେହାନ୍ତ, ଦୁଃଖ ପ୍ରକାଶ କଲେ ମୁଖ୍ୟମନ୍ତ୍ରୀ
କଲିକତା : ଜଣାଶୁଣା ଟିଭି ଅଭିନେତ୍ରୀ ସୋନାଲି ଚକ୍ରବର୍ତୀଙ୍କ ଦେହାନ୍ତ ହୋଇଛି । ସେ ସକାଳେ ହସ୍ପିଟାଲରେ ଶେଷ ନିଃଶ୍ୱାସ ତ୍ୟାଗ କରିଥିଲେ । ୫୯ ବର୍ଷର ଚକ୍ରବର୍ତୀ ଦୀର୍ଘ ସମୟ ଧରି ଚିକିତ୍ସିତ ହେଉଥିଲେ । ସୋନାଲିଙ୍କ ମୃତ୍ୟୁକୁ ନେଇ ମୁଖ୍ୟମନ୍ତ୍ରୀ ମମତା ବାନାର୍ଜୀ ଦୁଃଖ ପ୍ରକାଶ କରିଛନ୍ତି ।
ସୋମବାର ତାଙ୍କ ସ୍ୱାମୀ ଶଙ୍କର ଚକ୍ରବର୍ତୀ ସୋନାଲିଙ୍କ ମୃତ୍ୟୁ ଖବର ସୋସିଆଲ ମିଡ଼ିଆରେ ସେୟାର କରିଛନ୍ତି । ସେ କହିଥିଲେ ଯେ ସୋନାଲି ଦୀର୍ଘ ଦିନ ଧରି ଯକୃତ ସମ୍ବନ୍ଧୀୟ ସମସ୍ୟାରେ ପୀଡ଼ିତ ଥିଲେ । ତାଙ୍କୁ ପୂର୍ବରୁ ଅନେକ ଥର ଡାକ୍ତରଖାନାରେ ଭର୍ତି କରାଯାଇଥିଲା ।
