ସ୍ୟାଣ୍ଡ ଏନିମେସନରେ ସୁରସାମ୍ରାଜ୍ଞୀ ଲତା ମଙ୍ଗେସକରଙ୍କୁ ଶ୍ରଦ୍ଧାଞ୍ଜଳି
ରେମୁଣା : ବାଲେଶ୍ୱର ଜିଲା ରେମୁଣା ଜୁନିୟର କଲେଜର ପୁର୍ବତନ ଛାତ୍ର ତଥା ଖଲ୍ଲିକୋଟ ଆର୍ଟ କଲେଜର ପ୍ରଥମ ବର୍ଷ ଛାତ୍ର ଅଙ୍କିତ ଦାସ ରେମୁଣା ଡିଗ୍ରୀ କଲେଜ ସମ୍ମିଳନୀ କକ୍ଷରେ ସ୍ୟାଣ୍ଡ ଏନିମେସନ ଆଙ୍କି ସୁର ସାମ୍ରାଜ୍ଞୀ ଲତା ମଙ୍ଗେସକର ଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଛି । ଆଜି ପୂର୍ବାହ୍ନରେ ଜ୍ଞାନଶ୍ରୀ ସ୍ବେଚ୍ଛାସେବୀ ଅନୁଷ୍ଠାନ ଓ ରେମୁଣା ଡିଗ୍ରୀ କଲେଜର ମିଳିତ ଆୟୋଜନରେ ଆୟୋଜିତ ସୁର ସାମ୍ରାଜ୍ଞୀ ଲତା ମଙ୍ଗେସକର ଙ୍କ ଶ୍ରଦ୍ଧାଞ୍ଜଳି ସଭାରେ କଣ୍ଠଶିଳ୍ପୀ, ଚିତ୍ରଶିଳ୍ପୀ ସହ ବାଲୁକା ଶିଳ୍ପୀ ଓ ଗଣ୍ୟମାନ୍ୟ ବ୍ୟକ୍ତିମାନେ ଶ୍ରଦ୍ଧାଞ୍ଜଳି ଅର୍ପଣ କରିଥାଲେ ।
ଲତା ମଙ୍ଗେସକର ଙ୍କ ସଂଗୀତ ତାଳେ ତାଳେ ଶିଳ୍ପୀ ଦାସ ତା ଆଙ୍ଗୁଳିର କୁହୁକ ସ୍ପର୍ଶରେ ଲତା ମଙ୍ଗେସକର ଙ୍କ ସୁନ୍ଦର ବାଲୁକା ଚିତ୍ର ଆଙ୍କି ଥିଲେ । ଆୟୋଜକ ପ୍ରଶାନ୍ତ ପଟେଲ, ଡିଗ୍ରୀ କଲେଜର ଓଡ଼ିଆ ବିଭାଗର ମୁଖ୍ୟ ଡ ତ୍ରିଲୋଚନ ସାହୁ, ମୁଖ୍ୟ ଅତିଥି କବି ପ୍ରଶାନ୍ତ ଦାସ, ଅନ୍ୟତମ ଅତିଥି ଶିଳ୍ପୀ କେଶୁଦାସ, କଣ୍ଠଶିଳ୍ପୀ ରଶ୍ମି ବିନ୍ଧାଣି, କଣ୍ଠଶିଳ୍ପୀ ଶଙ୍କର ଦାନ୍, ନୃତ୍ୟଶିଳ୍ପୀ ରୋନାଲିସା ପଣ୍ଡା ପ୍ରମୁଖ ଶିଳ୍ପୀ ଶ୍ରୀ ଦାସଙ୍କୁ ଉତ୍ସାହିତ କରିବା ସହ ପ୍ରଶଂସା କରିଥିଲେ । ଯୁବ ଚିତ୍ରଶିଳ୍ପୀ ଭବାନୀ ଶଙ୍କର ନାୟକ ମଧ୍ୟ ଲତା ମଙ୍ଗେସକରଙ୍କ ତୈଳଚିତ୍ର ଆଙ୍କି ଶ୍ରଦ୍ଧାଞ୍ଜଳି ପ୍ରଦାନ କରିଥିଲେ ।
