୭୪୦ ଗୋଲାପର ବାଲୁକାକଳାରେ ରାଣୀ ଏଲିଜାବେଥଙ୍କୁ ଶ୍ରଦ୍ଧାଞ୍ଜଳି
ପୁରୀ : ବ୍ରିଟେନ୍ ରାଣୀ ଏଲିଜାବେଥ ଦ୍ବିତୀୟ ୯୬ ବର୍ଷ ବୟସରେ ପ୍ରାଣ ତ୍ୟାଗ କରିଛନ୍ତି । ତାଙ୍କ ମୃତ୍ୟୁରେ ସମଗ୍ର ବିଶ୍ୱ ଶୋକ ବ୍ୟକ୍ତ କରିଛି । ଏହି ପରିପ୍ରେକ୍ଷୀରେ ନିଆରା ଢଙ୍ଗରେ ଶ୍ରଦ୍ଧାଞ୍ଜଳି ଜଣାଇଛନ୍ତି ଅନ୍ତର୍ଜାତୀୟ ଖ୍ୟାତି ସମ୍ପନ୍ନ ବାଲୁକାଶିଳ୍ପୀ ସୁଦର୍ଶନ ପଟ୍ଟନାୟକ। ପୁରୀ ବେଳାଭୂମିରେ ରାଣୀ ଏଲିଜାବେଥ୍ଙ୍କ ବିରାଟ ବାଲୁକାକଳା କରିବା ସହ ଏହାକୁ ଗୋଲାପ ଫୁଲରେ ସଜାଇ ଶ୍ରଦ୍ଧାଞ୍ଜଳି ଜ୍ଞାପନ କରିଛନ୍ତି ।
ଏ ନେଇ ଶ୍ରୀ ପଟ୍ଟନାୟକ କହିଛନ୍ତି, ସେ ଏଥିରେ ୭୪୦ଟି ଗୋଲାପ ଫୁଲ ବ୍ୟବହାର କରିଛନ୍ତି। ଏହି ବାଲୁକାକଳାର ଉଚ୍ଚତା ୬ ଫୁଟ ହୋଇଥିବାବେଳେ ଏଥିରେ ସେ ୬ ଟନ୍ ବାଲି ବ୍ୟବହାର କରିଥିବା କହିଛନ୍ତି ।
