ଟୋକିଓ ଅଲିମ୍ପିକ୍ସ : ମହିଳା ‘ଡିସ୍କସ୍’ର ଫାଇନାଲ୍ରେ କମଲ୍ପ୍ରୀତ୍ କୌର୍
ଟୋକିଓ : ଟୋକିଓ ଅଲିମ୍ପିକ୍ସରେ ଶନିବାର ମହିଳା ଡିସ୍କସ୍ ଥ୍ରୋ’ରେ ଭାରତର କମଲପ୍ରୀତ୍ କୌର୍ ଫାଇନାଲ୍କୁ ଯିବା ଲାଗି ଯୋଗ୍ୟ ବିବେଚିତା ହୋଇଛନ୍ତି। ଦୁଇ ଥର ଅଲିମ୍ପିକ୍ ଚାମ୍ପିଅନ୍ ହୋଇଥିବା ସାଣ୍ଡ୍ରା ପେରକୋଭିକ୍ଙ୍କୁ ଅତିକ୍ରମ କରି ସେ ଯୋଗ୍ୟତା ପର୍ଯ୍ୟାୟର ଦ୍ବିତୀୟ ସ୍ଥାନକୁ ଉତ୍ତୀର୍ଣ୍ଣ ହୋଇଛନ୍ତି। ‘କ୍ବାଲିଫିକେସନ୍ ଗ୍ରୁପ୍ ବି’ରେ କମଲପ୍ରୀତ୍ ଆପଣା ଉଦ୍ୟମରେ ୬୩.୯୭ ମିଟର୍ ଦୂରକୁ ଡିସ୍କସ୍ ଫିଙ୍ଗିଥିବା ବେଳେ ପେରକୋଭିକ୍ ୬୩.୯୭ ମିଟର୍ ଦୂରକୁ ଡିସ୍କସ୍ ଫିଙ୍ଗିଥିଲେ। ପ୍ରାରମ୍ଭରେ କମଲପ୍ରୀତ୍ ୬୦.୨୯ ମିଟର୍ ଦୂରକୁ ଡିସ୍କସ୍ ଫିଙ୍ଗିଥିଲେ। ଅଗଷ୍ଟ ୨ ତାରିଖରେ ସେ ଫାଇନାଲ୍ରେ ଅବତ୍ତୀର୍ଣ୍ଣ ହେବେ। ସେହିଭଳି ‘ଗ୍ରୁପ୍ ଏ’ ମହିଳା ଡିସ୍କସ୍ ଥ୍ରୋ’ରେ ସୀମା ପୁନିଆ ୬ଷ୍ଠ ସ୍ଥାନରେ ରହି ପରାସ୍ତ ହୋଇଛନ୍ତି।
