ଟୋକିଓ ଅଲିମ୍ପିକ୍ସ : ଟୁର୍ଣ୍ଣାମେଣ୍ଟରୁ ବାଦ୍ ପଡିଲେ ଅତନୁ
ଟୋକିଓ : ଟୋକିଓରେ ଚାଲିଥିବା ଅଲିମ୍ପିକ୍ସର ୯ମ ଦିନରେ ଶନିବାର ଭାରତୀୟ ଖେଳାଳି ଆରମ୍ଭରୁ ନିରାଶ କରିଛନ୍ତି । ତୀରନ୍ଦାଜୀରେ ଭାରତର ଶେଷ ଆଶା କୁହାଯାଉଥିବା ଅତନୁ ଦାସ ଫେଲ୍ ମାରିଛନ୍ତି । ସେ ପ୍ରି କ୍ୱାର୍ଟର ଫାଇନାଲରେ ପରାସ୍ତ ହୋଇ ଟୁର୍ଣ୍ଣାମେଣ୍ଟରୁ ବାଦ୍ ପଡିଛନ୍ତି ।
ଭାରତୀୟ ତୀରନ୍ଦାଜ ଅତନୁ ୧୬ ରାଉଣ୍ଡ୍ ମ୍ୟାଚ୍ରେ ୪-୬ରେ ପରାଜିତ ହୋଇଛନ୍ତି। ୯, ୮ ଏବଂ ୯ ହିଟ୍ କରିବା ପରେ ଚୂଡ଼ାନ୍ତ ସେଟ୍ରେ ସେ ଆଉ ତୀର ଚାଳନା କରିପାରି ନାହାନ୍ତି। ଫଳତଃ ଚୂଡ଼ାନ୍ତ ପ୍ରତିଦ୍ବନ୍ଦ୍ବିତାରେ ତାକାହାରୁ ଫୁରୁକାୱା ୮ ପଏଣ୍ଟ୍ ହାସଲ କରିବାରୁ ୨୭-୨୬ରେ ପ୍ରତିଯୋଗିତାର ଅବସାନ ଘଟିଛି। ସୂଚନା ଯେ, ଲଣ୍ଡନ୍ ଅଲିମ୍ପକ୍ସ୍ରେ ଅତନୁ ସ୍ବର୍ଣ୍ଣପଦକ ବିଜେତାଙ୍କୁ ପରାସ୍ତ କରିଥିବା ବେଳେ ଆଜି ରୌପ୍ୟପଦକ ବିଜେତାଙ୍କ ଠାରୁ ପରାସ୍ତ ହୋଇଛନ୍ତି।
