ଆଜି ‘ମନ୍ କି ବାତ୍’ର ୮୧ତମ ସଂସ୍କରଣ : ଦେଶବାସୀଙ୍କୁ ସମ୍ବୋଧିତ କରିବେ ପ୍ରଧାନମନ୍ତ୍ରୀ
ନୂଆଦିଲ୍ଲୀ : ଆଜି ରେଡିଓ କାର୍ଯ୍ୟକ୍ରମ ‘ମନ୍ କି ବାତ୍’ର ୮୧ତମ ସଂସ୍କରଣ । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଦେଶବାସୀଙ୍କୁ ସମ୍ବୋଧିତ କରିବେ । ଆକାଶବାଣୀ ଓ ଦୂରଦର୍ଶନରେ ଏହି କାର୍ଯ୍ୟକ୍ରମ ପ୍ରସାରଣ ହେବ । ସେହିଭଳି ଏଆଇଆର ନ୍ୟୁଜ ଏବଂ ମୋବାଇଲ ଆପ୍ରେ ମଧ୍ୟ ମୋଦୀଙ୍କ ଏହି ଲୋକପ୍ରିୟ ସମ୍ବୋଧନ ଶୁଣିବାକୁ ମିଳିପାରିବ ।
ତିନି ଦିନିଆ ଆମେରିକା ଗସ୍ତ ଶେଷରେ ଏହି ରେଡିଓ କାର୍ଯ୍ୟକ୍ରମ ହେଉଛି । ପ୍ରଧାନମନ୍ତ୍ରୀ ଶନିବାର ନ୍ୟୁୟର୍କସ୍ଥିତ ସଂଯୁକ୍ତ ରାଷ୍ଟ୍ର ସାଧାରଣ ମହାସଭା (ୟୁଏନଜିଏ)କୁ ସମ୍ବୋଧିତ କରିଥିଲେ । ପ୍ରଧାନମନ୍ତ୍ରୀ ମୋଦୀ ଏହା ପୂର୍ବରୁ କ୍ୱାର୍ଡ ସମ୍ମିଳନୀରେ ଆମେରିକାର ରାଷ୍ଟ୍ରପତି ଜୋ ବାଇଡେନ ଓ ଉପରାଷ୍ଟ୍ରପତି କମଲା ହାରିସଙ୍କ ସମେତ ଅଷ୍ଟ୍ରେଲିଆର ପ୍ରଧାନମନ୍ତ୍ରୀ ସ୍କଟ ମରିଶନ ଓ ଜାପାନର ପ୍ରଧାନମନ୍ତ୍ରୀ ୟୋଶିଧୀର ସୁଗାଙ୍କୁ ଭେଟିଥିଲେ । ମୋଦୀ ଆମେରିକା ଗସ୍ତ କାଳରେ ବାଇଡେନଙ୍କ ସହିତ ଦ୍ୱିପାକ୍ଷିକ ଆଲୋଚନା କରିଥିଲେ । ସେହିପରି ସେ ୱାଶିଂଟନ ଡିସିରେ ବଡ଼ ବଡ଼ କଂପାନୀର ସିଇଓ ମାନଙ୍କୁ ଭେଟି ଗୁରୁତ୍ୱପୂର୍ଣ୍ଣ ଆଲୋଚନା କରିଥିଲେ ।
