ଆଜି କେଜିଏଫ୍ ଷ୍ଟାର ୟଶଙ୍କ ୩୭ତମ ଜନ୍ମଦିନ
ମୁମ୍ବାଇ : ସାଉଥ ସୁପରଷ୍ଟାର ତଥା କେଜିଏଫ୍ ଷ୍ଟାର ୟଶ । ଆଜି ତାଙ୍କର ୩୭ ତମ ଜନ୍ମଦିନ। ୮ ଜାନୁଆରୀ ୧୯୮୬ ରେ ସେ ଜନ୍ମଗ୍ରହଣ କରିଥିଲେ । ୟଶଙ୍କ ପ୍ରକୃତ ନାମ ନବୀନ କୁମାର ଗୌଡା। ସେ ଅଳ୍ପ ସମୟରେ କନ୍ନଡ ସିନେମାରେ ଏକ ବଡ ନାମ ଅର୍ଜନ କରିଛନ୍ତି।
ରକି ଭାଇ ଭୂମିକା ପାଇଁ ସେ ବିଶ୍ୱସ୍ତରୀୟ ତାରକା ହୋଇପାରିଛନ୍ତି ।ପ୍ରଶଂସକମାନେ ତାଙ୍କ ନୂଆ ପ୍ରୋଜେକ୍ଟକୁ ଉତ୍ସାହର ସହିତ ଅପେକ୍ଷା କରିଛନ୍ତି । ଚଳଚ୍ଚିତ୍ର ଜଗତରେ ଲୋକଙ୍କ ଭଲ ପାଇବା ପାଇଁ ୟଶ ବହୁ ବର୍ଷ ଧରି କଠିନ ପରିଶ୍ରମ କରିଥିଲେ । ଦକ୍ଷ ଅଭିନୟ ପାଇଁ ଫିଲ୍ମଫେୟାର ପୁରସ୍କାର ଜିତିଛନ୍ତି । ଇତିମଧ୍ୟରେ ସେ କନ୍ନଡ ଚଳଚ୍ଚିତ୍ର ଇଣ୍ଡଷ୍ଟ୍ରିରେ ସବୁ ସମୟର ସର୍ବାଧିକ ପାରିଶ୍ରମିକ ପ୍ରାପ୍ତ ଅଭିନେତା ହୋଇପାରିଛନ୍ତି।
୨୦୦୭ରେ ପିୟା ହୁସେନଙ୍କ ଜାମ୍ବଡା ହୁଡୁଗିରେ ଏକ ଛୋଟ ଭୂମିକା ଗ୍ରହଣ କରିଥିଲେ । ୨୦୦୮ରେ ମୁକ୍ତିଲାଭ କରିଥିବା କନ୍ନଡ ଚଳଚ୍ଚିତ୍ର ମୋଗିନା ମାନାସୁଙ୍କ ସହିତ ତାଙ୍କର ଅଭିନୟ କ୍ୟାରିୟର ଆରମ୍ଭ କରିଥିଲେ । ସେ ଏହି ଚଳଚ୍ଚିତ୍ର ପାଇଁ ବେଷ୍ଟ ସପୋର୍ଟିଂ ଆକ୍ଟରର ଫିଲ୍ମଫେୟାର ପୁରସ୍କାର ଜିତିଥିଲେ। ଏହି ଚଳଚ୍ଚିତ୍ର ପୂର୍ବରୁ ମଧ୍ୟ ସେ ଏକ ଟିଭି ସିରିଏଲରେ କାମ କରିଥିଲେ। ୨୦୧୦ରେ ରିଲିଜ୍ ହୋଇଥିବା ୟଶଙ୍କ କନ୍ନଡ ଚଳଚ୍ଚିତ୍ର ତାଙ୍କ କ୍ୟାରିୟରର ପ୍ରଥମ ହିଟ୍ ଫିଲ୍ମ ଥିଲା । ଏହା ପରେ, ୨୦୧୪ରେ ମିଷ୍ଟର ଆଣ୍ଡ ମିସେସ୍ ରାମଚୋରୀ’ ଭୂମିକାରେ ଥିବା ରାଧିକା ପଣ୍ଡିତଙ୍କୁ ବିବାହ କରିଥିଲେ । ବର୍ତ୍ତମାନ ଦୁହେଁ ୨ ସନ୍ତାନର ପିତାମାତା ଅଟନ୍ତି।
କିନ୍ତୁ ଫିଲ୍ମ କେଜିଏଫ୍ ସହିତ ତାଙ୍କ ଭାଗ୍ୟ ଉଜ୍ଜ୍ୱଳ କରିଥିଲା । ୨୦୧୮ ରେ ମୁକ୍ତିଲାଭ କରିଥିବା କନ୍ନଡ ଚଳଚ୍ଚିତ୍ର କୋଲାର ଗୋଲ୍ଡ ଫିଲ୍ଡସ୍-ପାର୍ଟ -୧ ୟଶଙ୍କ କ୍ୟାରିୟରର ସବୁଠାରୁ ବଡ ଚଳଚ୍ଚିତ୍ର ବୋଲି ପ୍ରମାଣିତ ହୋଇଥିଲା । କେବଳ ଦକ୍ଷିଣ ସିନେମାରେ ନୁହେଁ, ଏହି ଚଳଚ୍ଚିତ୍ରଟି ପ୍ରତ୍ୟେକ ଭାଷାର ସିନେମା ପ୍ରେମୀଙ୍କ ହୃଦୟରେ ଛାପ ଛାଡିଥିଲା। କେଜିଏଫ୍ -୧ ପରେ ଆସିଥିଲା ପାର୍ଟ-୨ । ଯାହା ବକ୍ସ ଅଫିସ୍ରେ ଧମାଲ କରିଥିଲା ।
ୟଶ ଏକ ମଧ୍ୟବିତ୍ତ ପରିବାରରୁ ଆସିଛନ୍ତି । ତାଙ୍କ ପିତା ଜଣେ ବସ୍ ଡ୍ରାଇଭର ଏବଂ ମା ଜଣେ ଗୃହିଣୀ ଥିଲେ। ସେ ନାନା ଅସୁବିଧାର ସମ୍ମୁଖୀନ ହୋଇଥିଲେ । ୟଶ କହିଛନ୍ତି, ‘ଅଳ୍ପ ବୟସରେ ଆମର କିଛି ଆର୍ଥିକ ସମସ୍ୟା ରହିଥିଲା, ତେଣୁ ମୁଁ ଜୀବନକୁ ଅତି ନିଷ୍ଠୁର ଭାବରେ ଦେଖିଛି। ମୁଁ ଅନୁଭବ କଲି ଜୀବନ. ତୁମକୁ କିଛି କରିବାକୁ ପଡିବ।
