ଦେଶରେ ଖସିଲା ଦୈନିକ କରୋନା ସଂକ୍ରମଣ! ଦିନକରେ ଆଉ ୪୪,୮୭୭ ସଂକ୍ରମିତ ଓ ୬୮୪ ମୃତ
ନୂଆଦିଲ୍ଲୀ : ଦେଶରେ ଦ୍ରୁତ ଗତିରେ ହ୍ରାସ ପାଉଛି କରୋନା ସଂକ୍ରମଣ । ଫଳରେ ଦୈନିକ ସଂକ୍ରିତଙ୍କ ସଂଖ୍ୟା କ୍ରମଶଃ ଖସିବାରେ ଲାଗିଛି । ଏହିକ୍ରମରେ ଗତ ୨୪ ଘଣ୍ଟା ମଧ୍ୟରେ ୫୦ ହଜାର ତଳକୁ ଖସିଲା ଦୈନିକ କରୋନା ସଂକ୍ରମଣ ସଂଖ୍ୟା । ଗତକାଲି ତୁଳନାରେ ଏହା ୧୧% କମ୍ । ସେହିପରି ୧ହଜାର ତଳକୁ ଖସିଛି ମୃତ୍ୟୁ ସଂଖ୍ୟା ।
ଗତ ୨୪ ଘଣ୍ଟାରେ ଦେଶରେ ୪୪,୮୭୭ ଟି ନୂଆ କରୋନା ମାମଲା ପଞ୍ଜିକୃତ ହୋଇଛି। ଏହାକୁ ମିଶାଇ ଦେଶର ମୋଟ କୋଭିଡ୍ ମାମଲା ୪,୨୬,୩୧,୪୨୧ରେ ପହଞ୍ଚିଛି । ଦିନକରେ ଆଉ ୬୮୪ ଲୋକଙ୍କ ମୃତ୍ୟୁ ହୋଇଛି । ଏଥି ସହିତ ଏହି ମହାମାରୀରେ ପ୍ରାଣ ହରାଇଥିବା ମୋଟ ଲୋକଙ୍କ ସଂଖ୍ୟା ୫ ଲକ୍ଷ ୮ ହଜାର ୬୬୫କୁ ବୃଦ୍ଧି ପାଇଛି। ଦେଶବ୍ୟାପୀ ଟିକାକରଣ ଅଭିଯାନ ଅଧୀନରେ ଏପର୍ଯ୍ୟନ୍ତ ୧୭୨.୮୧ କୋଟି ଟିକା ଟିକା ଦିଆଯାଇଛି। ଭାରତରେ ବର୍ତ୍ତମାନ ୫,୩୭,୦୪୫ ସକ୍ରିୟ ମାମଲା ଅଛି । ସୁସ୍ଥତା ହାର ବର୍ତ୍ତମାନ ୯୭.୫୫ ପ୍ରତିଶତ ଅଟେ । ଗତ ୨୪ ଘଣ୍ଟା ମଧ୍ୟରେ, ୧,୧୭,୫୯୧ ଲୋକ କରୋନାରୁ ଆରୋଗ୍ୟ ଲାଭ କରିଛନ୍ତି। ଏହା ସହିତ ଆରୋଗ୍ୟ ହୋଇଥିବା ଲୋକଙ୍କ ସଂଖ୍ୟା ୪,୧୫,୮୫,୭୧୧କୁ ବୃଦ୍ଧି ପାଇଛି। ସୂଚନା ଯେ, ଦୈନିକ ସଂକ୍ରମଣ ହାର ହେଉଛି ୩.୧୭% । ସକ୍ରିୟ ପଜିଟିଭିଟି ହାର ୪.୪୬% ରହିଛି । ଏପର୍ଯ୍ୟନ୍ତ ସମୁଦାୟ ୭୫.୦୭ କୋଟି କରୋନା ପରୀକ୍ଷା କରାଯାଇଛି। ଗତ ୨୪ ଘଣ୍ଟା ମଧ୍ୟରେ ୧୪,୧୫,୨୭୯ କରୋନା ପରୀକ୍ଷା କରାଯାଇଛି ।
