ବଜ୍ରପାତରେ ୧୩ ଗୋରୁ ମୃତ, ୧୨ରୁ ଅଧିକ ଗୁରୁତର
ନୀଳଗିରି : ନୀଳଗିରି ବ୍ଲକ ପ୍ରତାପପୁର ଠାରେ ବଜ୍ରାଘାତରେ ୧୩ଟି ଗୋରୁ ମୃତ୍ୟୁବରଣ କରିଥିବା ବେଳେ ୧୨ ଟି ଗୋରୁ ଗୁରୁତର ହୋଇଥିବା ଜଣାପଡ଼ିଛି ।
ସୂଚନାଯୋଗ୍ୟ ଅଯୋଧ୍ୟା ପଞ୍ଚାୟତ ପ୍ରତାପପୁର ଠାରେ ଶନିବାର ଅପରାହ୍ନ ୪ଟା ସମୟରେ ହଠାତ୍ ବଜ୍ରାଘାତ ସହ ବର୍ଷା ହୋଇଥିଲା । ସେହିଠାରେ ଥିବା ଏକ ଅବ୍ୟବହୃତ ଘରେ ୨୫ରୁ ଅଧିକ ଗୋରୁ ରହିଥିଲେ । ବଜ୍ରାଘାତ ସମୟରେ ସମସ୍ତେ ଟଳି ପଡ଼ିଥିଲେ । ବର୍ଷା ଛାଡ଼ିବାରୁ ଗ୍ରାମବାସୀ ଯାଇ ଦେଖିବା ପରେ ପଶୁଚିକତ୍ସା ଅଧିକାରୀଙ୍କୁ ଡକାଇଥିଲେ । ହେଲେ ୧୩ଟି ଗୋରୁ ମୃତ୍ୟୁ ବରଣ କରିଥିବା ବେଳେ ୧୨ଟି ଗୁରୁତର ଥିବା ଜଣାପଡ଼ିଛି । ଏଭଳି ଅଘଟଣ ଦେଖି ଅଞ୍ଚଳବାସୀ ସ୍ତବ୍ଧ ହୋଇଛନ୍ତି ।
