ନନ୍ଦନକାନନରୁ ମଧ୍ୟପ୍ରଦେଶ ଯିବେ ୧୩ ପଶୁପକ୍ଷୀ
ବାରଙ୍ଗ : ନନ୍ଦନକାନନରୁ ୧୩ ପଶୁପକ୍ଷୀଙ୍କୁ ପଠାଯାଇଛି ମଧ୍ୟପ୍ରଦେଶ । ଜନ୍ତୁ ଅଦଳବଦଳ ପ୍ରକିୟାରେ ମଙ୍ଗଳବାର ନନ୍ଦନକାନନରୁ ୧୩ ପଶୁପକ୍ଷୀଙ୍କୁ ମଧ୍ୟପ୍ରଦେଶ ଇନ୍ଦୋର ଚିଡିଆଖାନାକୁ ପଠାଯାଇଛି । ଏମାନଙ୍କ ମଧ୍ୟରେ ଧଳା ବାଘୁଣୀ (ରାଗିଣୀ) ଓ କଳା ବାଘ (ଭିକି), ୩ଟି ଘଡିଆଳ କୁମ୍ଭୀର, ୮ ଟି ପିଜାଣ୍ଟକୁ ଇନ୍ଦୋର କମଳା ନେହୁର ପାର୍କ ପଠାଯାଉଛି ।
ଏହାର ବଦଳରେ ଗତ ଡିସେମ୍ବର ମାସ ୨୦ ତାରିଖରେ ସେଠାରୁ ଦୁଇଟି ସିଂହ, ୩ଟି ଘଡିଆଳ କୁମ୍ଭୀର, ୨ଟା ଗଧିଆ ଏବଂ ଗୋଟିଏ କୋକିଶିଆଳୀ ନନ୍ଦନକାନନକୁ ଆସିଥିଲା । ବାରମ୍ବାର ନନ୍ଦନକାନନରୁ ଧଳା ଏବଂ କଳା ବାଘ ଅନ୍ୟତ୍ର ପଠାଯିବା ଯୋଗୁଁ ନନ୍ଦନକାନନରେ ଏବେ ଧଳା ବାଘ ସଂଖ୍ୟା କମିଯିବାରୁ ପର୍ଯ୍ୟଟକଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି ।
