ଓଚିନ୍ଦାରୁ ଚୋରି, ଥାନାରେ ଅଭିଯୋଗ
କୋରାଇ : ପାଣିକୋଇଲି ଥାନା ଅନ୍ତର୍ଗତ ପଥରପଦା ପଂଚାୟତର ଓଚିନ୍ଦା ଗ୍ରାମରୁ ଗୁରୁବାର ବିଳମ୍ବିତ ରାତ୍ରୀରେ ଚୋରି ହେବା ନେଇ ଥାନାରେ ଅଭିଯୋଗ ହୋଇଛି । ଘଟଣାସ୍ଥଳରେ ପୁଲିସ ପହଂଚି ତଦନ୍ତ ଆରମ୍ଭ କରିଛି । ପ୍ରକାଶଯେ ଓଚିନ୍ଦା ଗ୍ରାମର ରମାକାନ୍ତ ପାଢୀଙ୍କ ଘରେ ଗୁରୁବାର ରାତ୍ରୀ କେହି ଦୃବୃର୍ତ କବାଟ ଭାଙ୍ଗି ଘରେ ପଣି ସୁନା ଓ ରୂପା ଅଳଙ୍କାର ସମେତ ନଗଦ ୧୨ ହଜାର ଟଙ୍କା ଚୋରି କରିଛି । ୪ଟି ଲୁଗା ଭର୍ତି ଆଟାଜକୁ ନେଇ ବାଡି ପଟେ ଖୋଲାଖୋଲି କରିଥିଲେ ହେଁ ତାହାକୁ ନନେଇ ଲୁଗାପଟା ଫୋପାଡି ପଳାଇଯାଇଛନ୍ତି । ଏନେଇ ରମାକାନ୍ତ ସକାଳୁ ଦେଖିବା ପରେ ଥାନାରେ ଅଭିଯୋଗ କରିଥିଲେ । ଅଭିଯୋଗ ପାଇ ପୁଲିସ ଘଟଣାସ୍ଥଳେ ପହଂଚି ତଦନ୍ତ ଜାରି ରଖିଛି ।
