ପୋଖରୀରେ ବୁଡି ଯୁବକଙ୍କ ମୃତ୍ୟୁ, ଦୁଇ ଦିନ ଧରି ଥିଲେ ନିଖୋଜ
ରୂପସା : ବାଲେଶ୍ୱର ଜିଲା ରୂପସା ଥାନା ଅନ୍ତର୍ଗତ ରୂପସା ସାମିଲ ହସନପୁର ଗାଁ ନିକଟ ଏକ ମାଛ ଚାଷ ହେଉଥିବା ପୋଖରୀରେ ବୁଡି ଜଣେ ଯୁବକଙ୍କ ମୃତ୍ୟୁ ଘଟିଛି l ମୃତ ଯୁବକ ହେଲେ ଏହି ଥାନା କେନ୍ଦୁଡାଙ୍ଗିରି ନୁଆସାହି ଗ୍ରାମର ଶିବ ସିଂ (38) l
ଶିବ ଗୁଜୁରାଟରେ ରହି କାମ କରି ଜୀବିକା ନିର୍ବାହ କରୁଥିଲେ l ଗତ ୮ ଦିନ ହେବ ସେ ଗୁଜରାଟରୁ ଘରକୁ ଆସିଥିଲେ l ଦୁଇ ଦିନ ଧରି ସେ ନିଖୋଜ ଥିଲେ ବୋଲି ପରିବାର ପକ୍ଷରୁ କୁହାଯାଇଛି l ରବିବାର ତାଙ୍କ ମୃତ ଦେହ ଏହି ପୋଖରୀ ରେ ଭାସୁଥିବା ଦେଖି ଥାନାକୁ ଖବର ଦିଆଯାଇଥିଲା l ପୋଲିସ ଓ ଅଗ୍ନିଶମ ବିଭାଗ ପହଞ୍ଚି ମୃତଦେହ ଜବତ କରିଥିଲେ l ଏ ନେଇ ଥାନାରେ ଏକ ଅପମୃତ୍ୟୁ ମାମଲା ରୁଜୁ ହୋଇ ମୃତଦେହ ବ୍ୟବଚ୍ଛେଦ କରାଯାଇଛି l ପୋଲିସ ଘଟଣାର ତଦନ୍ତ ଜାରି ରଖିଛି l ସିଂଲା ଥାନା ଅଂଚଳର ଚନ୍ଦନ ପାତ୍ର ଏହି ପୋଖରୀକୁ ଲିଜ ସୂତ୍ରରେ ନେଇ ମାଛ ଚାଷ କରି ଆସୁଛନ୍ତି l ମୃତ ଯୁବକଙ୍କ ୨ ଜଣ ଝିଅ ଓ ଜଣେ ପୁଅ ଅଛି l ମୃତକଙ୍କ ପରିବାରକୁ ସରକାରୀ ସହାୟତା ପ୍ରଦାନ ପାଇଁ ଗ୍ରାମବାସୀ ଦାବି କରିଛନ୍ତି l
