“ସମର୍ପି ଦେବାର ସୁଖ” ଉନ୍ମୋଚିତ
ମୟୁରଭଞ୍ଜ : ବରିଷ୍ଠ କବି ବୃନ୍ଦାବନ ଦାଶଙ୍କ ଲିଖିତ “ସମର୍ପି ଦେବାର ସୁଖ” ଉନ୍ମୋଚିତ ହୋଇଯାଇଛି । ଆଡଭୋକେଟ ବରୁଣ କୁମାର ବାରିକଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉନ୍ମୋଚନ ସତ୍ତାରେ ଅଧ୍ୟାପକ ଡ. ସୁବଳ ଚନ୍ଦ୍ର ସାହୁ ମୁଖ୍ୟ ଅତିଥି, ମୁନୀଶ୍ୱର ପଣ୍ଡିତ ନିରଞ୍ଜନ ଶାସ୍ତ୍ରୀଜୀ ମହାରାଜା ମୁଖ୍ୟବକ୍ତା, ଅଧ୍ୟାପକ ଜୀବନ କୁମାର ଗିରିି ସମୀକ୍ଷକ ଭାବେ ଯୋଗଦେଇ କବିତା ପୁସ୍ତକଟିକୁ ଉନ୍ମୋଚନ କରିବା ସହ କବିଙ୍କର ଉଦ୍ୟମକୁ ଭୂୟସୀ ପ୍ରଶଂସା କରିଥିଲେ । ପୁସ୍ତକରେ ୧୦୮ଟି କବିତା ସ୍ଥାନିତ । ଅନ୍ୟମାନଙ୍କ ମଧ୍ୟରେ କବି ଡ. ନୀଳକଣ୍ଠ ମିଶ୍ର, ଉମା ଦାଶ, ସାହିତ୍ୟିକ ଧନେଶ୍ୱର ପଣ୍ଡା, ଡ.(ମେଜର) ରବୀନ୍ଦ୍ର ନାଥ ପରିଡା, ପ୍ରଧାନଶିକ୍ଷକ ଅମିତାଭ ମିଶ୍ର ପ୍ରମୁଖ ଯୋଗଦେଇଥିଲେ । ଶ୍ୟାମଳୀ ପଟ୍ଟନାୟକ ଅତିଥିମାନଙ୍କୁ ମଞ୍ଚକୁ ସ୍ୱାଗତ କରିବା ସହ ଅତିଥି ପରିଚୟ ପ୍ରଦାନ କରିଥିବା ବେଳେ ପ୍ରଦୀପ୍ତ ଦଣ୍ଡପାଟ ଧନ୍ୟବାଦ ଅର୍ପଣ କରିଥିଲେ । କାର୍ଯ୍ୟକ୍ରମରେ ବହୁ ସାହିତ୍ୟିକ ଉପସ୍ଥିତ ଥିଲେ ।
