ଜୁଲାଇରେ ଉପଲବ୍ଧ ହେବ ଜନସନ ଆଣ୍ଡ ଜନସନ କରୋନା ଟିକା
ନୂଆଦିଲ୍ଲୀ : ଜନସନ ଆଣ୍ଡ ଜନସନଙ୍କ ଦ୍ୱାରା ବିକଶିତ ହୋଇଥିବା କୋଭିଡ-୧୯ ଟିକା ଚଳିତ ବର୍ଷ ଜୁଲାଇ ସୁଦ୍ଧା ଭାରତରେ ଅଳ୍ପ ପରିମାଣରେ ଉପଲବ୍ଧ ହେବ ବୋଲି ସୂତ୍ରରୁ ପ୍ରକାଶ। ଆସୋସିଏସନ ଅଫ୍ ହେଲଥ କେୟାର ପ୍ରୋଭାଇଡର୍ସ (ଭାରତ) ବ୍ୟକ୍ତିଗତ ଭାବରେ ଆମେରିକାଭିତ୍ତିକ ଉତ୍ପାଦକଙ୍କଠାରୁ ଏହି ଟିକା କ୍ରୟ ପ୍ରକ୍ରିୟା ଆରମ୍ଭ କରିଥିବା ନେଇ ସୂଚନା ମିଳିଛି । ଜନସନ ଆଣ୍ଡ ଜନସନଙ୍କ ଟିକା ଜୁଲାଇ ମାସ ସୁଦ୍ଧା ଭାରତରେ ପହଞ୍ଚିପାରେ । ତେବେ ଏହା ପ୍ରାରମ୍ଭରେ କିଛି ହଜାର ଡୋଜରେ ସୀମିତ ରହିବ । ଟିକାର ଗୋଟିଏ ଡୋଜ ଭାରତରେ ୨୫ ଡଲାର ହେବ। ଭାଇରାଲ୍ ଭେକ୍ଟର ଟିକାକୁ ଫ୍ରିଜରେ ଗଚ୍ଛିତ ରଖିବାର କୌଣସି ଆବଶ୍ୟକ ନାହିଁ ଏବଂ ଏହା ଭାରତ ଭଳି ଦେଶ ପାଇଁ ଉପଯୁକ୍ତ ବୋଲି ଜଣାପଡିଛି ।
ଦେଶରେ ଏହାର ଉତ୍ପାଦନ ପ୍ରକ୍ରିୟା ଏବଂ ନିର୍ଦ୍ଦିଷ୍ଟତାକୁ ପ୍ରାମାଣିକରଣ କରିବା ପାଇଁ ଜନସନ ଆଣ୍ଡ ଜନସନ କେନ୍ଦ୍ର ସରକାରଙ୍କ ସହ ଆଲୋଚନା ଆରମ୍ଭ କରିସାରିଛି। ଆମେରିକାର ଫାର୍ମାସ୍ୟୁଟିକାଲ୍ କମ୍ପାନି ଏପ୍ରିଲରେ ଭାରତରେ ଏକ କ୍ଲିନିକାଲ୍ ବ୍ରିଜିଙ୍ଗ ଅଧ୍ୟୟନ ଆରମ୍ଭ କରିବାର ଲକ୍ଷ୍ୟ ନେଇ କେନ୍ଦ୍ର ନିକଟକୁ ଯାଇଥିଲେ। ବର୍ତ୍ତମାନ, ନୂତନ ନିୟମ ଅନୁଯାୟୀ, ଆମେରିକାର ଔଷଧ ନିୟାମକ ଦ୍ୱାରା ଅନୁମୋଦିତ ଟିକା ଭାରତରେ ବ୍ରିଜିଙ୍ଗ ପରୀକ୍ଷା କରିବା ବାଧ୍ୟତାମୂଳକ ନୁହେଁ। ତେବେ ଆସନ୍ତା ମାସରେ ଭାରତରେ ବ୍ୟବହାର ପାଇଁ ଏହି ଟିକାକୁ ସରକାର ଅନୁମତି ଦେବେ ବୋଲି ଆଶା କରାଯାଉଛି।
