୧୪ରେ ଟୋକିଓ ଗସ୍ତ କରିବେ ଭାରତୀୟ ପ୍ରତିଯୋଗୀଙ୍କ ପ୍ରଥମ ଦଳ
ଚେନ୍ନାଇ : ଆସନ୍ତା ଜୁଲାଇ ୨୪ରୁ ଅଗଷ୍ଟ ୮ ପର୍ଯ୍ୟନ୍ତ ଟୋକିଓ ଅଲିମ୍ପିକ୍ସ-୨୦୨୧ ଆୟୋଜିତ ହେବ। ଏଥିରେ ଭାରତରୁ ୧୮ଟି ଇଭେଣ୍ଟରେ ୧୧୫ ଜଣ ଆଥ୍ଲେଟ୍ ଅଂଶଗ୍ରହଣ କରିବେ। ଖେଳାଳିମାନେ ଭାରତୀୟ ଚାଟାର୍ଡ ବିମାନରେ ଟୋକିଓ ଗସ୍ତ କରିବେ।
ଏନେଇ ଆସନ୍ତା ଜୁଲାଇ ୧୪ରେ ଭାରତୀୟ ପ୍ରତିଯୋଗୀଙ୍କ ପ୍ରଥମ ଦଳ ଟୋକିଓ ଗସ୍ତ କରିବ ବୋଲି ଭାରତୀୟ ଅଲିମ୍ପିକ୍ସ ମହାସଂଘ ସମ୍ପାଦକ ରାଜୀବ ମେହେଟ୍ଟା କହିଛନ୍ତି । ମହାମାରୀ କରୋନା ପାଇଁ ଏକାସାଙ୍ଗରେ ଦଳ ଗସ୍ତ କରିବା ଉପରେ କଟକଣା ଜାରି କରାଯାଇଛି। ୧୬ରେ ୨ୟ ଦଳ ଓ ଅବଶିଷ୍ଟ ଖେଳାଳି ୧୯ରେ ଟୋକିଓ ଗସ୍ତ କରିବେ ବୋଲି ଆଇଓଏ ସମ୍ପାଦକ ମେହେଟ୍ଟା କହିଛନ୍ତି।
