କାଶ୍ମୀରରେ ମୌସୁମୀର ପ୍ରଥମ ତୁଷାରପାତ
ଶ୍ରୀନଗର : କାଶ୍ମୀରରେ ମୌସୁମୀର ପ୍ରଥମ ତୁଷାରପାତ । ଉପତ୍ୟକାର ପ୍ରସିଦ୍ଧ ପର୍ଯ୍ୟଟନ ସ୍ଥାନ ଗୁଲମର୍ଗ, ସୋନମର୍ଗ, ପହଲଗାମ, ଅହରବାଲ ଏକ ଧଳା ରଙ୍ଗର ବରଫରେ ଆଚ୍ଛାଦିତ ହୋଇଯାଇଛି । ଏଥିଯୋଗୁଁ ପର୍ଯ୍ୟଟନ ଶିଳ୍ପ ସହ ଜଡିତ ଲୋକଙ୍କ ମଧ୍ୟରେ ଉତ୍ସାହ ଆଣିଦେଇଛି ।
#WATCH Gulmarg receives season's first snowfall #JammuAndKashmir pic.twitter.com/xZaWd3OrFV
— ANI (@ANI) October 23, 2021
ପର୍ଯ୍ୟଟନ ଶିଳ୍ପ ସହିତ ଜଡିତ ଲୋକମାନେ ଆଶା କରୁଛନ୍ତି ଯେ ତୁଷାରପାତ ଏଠାରେ ପର୍ଯ୍ୟଟକଙ୍କ ସଂଖ୍ୟା ବୃଦ୍ଧି କରିବ । ଗୁଲମର୍ଗ, ସୋନମର୍ଗ ଏବଂ ପହଲଗାମ ହାଲୁକା ତୁଷାରପାତର ଭିଡିଓ ସାମ୍ନାକୁ ଆସିଛି । ଏଠାରେ ଥିବା ପର୍ଯ୍ୟଟକମାନେ ବରଫରେ ଖେଳୁଥିବା ଦେଖିବାକୁ ମିଳୁଛି । ହୋଟେଲ ବ୍ୟବସାୟ ସହ ଜଡିତ ଇମ୍ରାନ ମାସୁଦ କହିଛନ୍ତି ଯେ ରାତିରେ ଆରମ୍ଭ ହୋଇଥିବା ତୁଷାରପାତ ଗୁଲମର୍ଗରେ ସମସ୍ତ ପର୍ଯ୍ୟଟକଙ୍କୁ ଆକୃଷ୍ଟ କରିଛି । କେବଳ ପର୍ଯ୍ୟଟକ ନୁହେଁ ଏଠାକାର ସାଧାରଣ ଲୋକେ ବି ବେଶ ଖୁସି ଅଛନ୍ତି । ତଥାପି ହାଲୁକା ତୁଷାରପାତ ହେଉଛି ଏବଂ ଏହି ସମୟରେ ଗୁଲମର୍ଗ ଏକ ଧଳା ଚାଦରରେ ଆବୃତ ହୋଇଛି । ଦେଶ ତଥା ବିଦେଶର ପର୍ଯ୍ୟଟକମାନେ ଏହି ତୁଷାରପାତକୁ ଉପଭୋଗ କରୁଛନ୍ତି ।
