୫୦ ଫୁଟ ତଳକୁ ଖସିଲା କାର : ୭ ଆହତ, ୨ ଗୁରୁତର
ଜୟପୁର : କୋରାପୁଟ ଜିଲା ଜୟପୁର ବ୍ଲକର ଉମୁରି ପଞ୍ଚାୟତ ମୁଖ୍ୟାଳୟ ନିକଟରେ ଏକ ମାରୁତି କାର ୫୦ ଫୁଟ ବ୍ରିଜ ତଳକୁ ଖସିପଡିଛି । ଫଳରେ କାରରେ ଥିବା ୭ଜଣ ଆହତ ହୋଇଥିବାବେଳେ୨ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି । ରାତି ପ୍ରାୟ ୧୧ଟା ୩୦ମିନିଟ ସମୟରେ ଏଭଳି ଦୁର୍ଘଟଣା ଘଟିଛି ।
ସୂଚନା ଯେ, ଆହତ ୭ ଜଣ ଛତିଶଗଡ କାଙ୍କର ଅଞ୍ଚଳର । କୌଣସି କାମରେ ୭ଜଣ ଯାତ୍ରୀ ବିଶାଖାପାଟଣା ଯାଇ ଫେରୁଥିଲେ । ତେବେ ରାତିରେ ଉମୁରି ବିଜ୍ର ଉପରେ ଆଉ ଗୋଟିଏ ଗାଡି ସାମନା ପଟୁ ଆସିବାରୁ ଭାରସାମ୍ୟ ହରାଇ ବ୍ରିଜ ତଳକୁ କାରଟି ଖସି ପଡ଼ିଥିଲା । ପ୍ରାୟ ୨ଜଣ ଗୁରୁତର ହୋଇଥିବାବେଳେ ଆଉ ୫ଜଣ ଆହତ ହୋଇଛନ୍ତି । ଆହତଙ୍କ ନାମ ଜଣାପଡିନାହିଁ । ସ୍ଥାନୀୟ ଲୋକଙ୍କ ସହାୟତାରେ ସମସ୍ତଙ୍କୁ ସ୍ଥାନୀୟ ହସ୍ପିଟାଲରେ ଭର୍ତି କରାଯାଇଛି । ପୋଲିସ ଆହତଙ୍କ ସଂପର୍କୀୟଙ୍କ ସହିତ ଯୋଗାଯୋଗ କରିଥିବା ସୂଚନା ରହିଛି ।
