ବନ୍ଧୁକରୁ ଗୁଳି ଫୁଟି ସହଯୋଗୀ ଆହତ
ଗଞ୍ଜାମ : ଗଞ୍ଜାମ ଜିଲା ଭଞ୍ଜନଗର ଥାନା ଅନ୍ତର୍ଗତ କୁଟଣୀକୁମ୍ପା ଗାଁ ନିକଟରେ ବନ୍ଧୁକରୁ ଗୁଳି ଫୁଟି ସହଯୋଗୀ ଆହତ ହୋଇଛନ୍ତି । ଆହତ ଜଣକ ହେଲେ ସେହି ଗ୍ରାମର ଶିବରାମ ନାୟକ ।
ସୂଚନା ଅନୁଯାୟୀ, ଜଣେ ସହଯୋଗୀଙ୍କ ସହ ଗତ ରାତି ପ୍ରାୟ ୩ଟା ସମୟରେ ଧାନ କ୍ଷେତକୁ ବାରହା ଘଉଡ଼ାଇବାକୁ ଯାଇଥିବା ବେଳେ ଏଭଳି ଘଟଣା ଘଟିଥିବା ନେଇ ପରିବାର ଲୋକେ କହିଛନ୍ତି । ଶିବରାମଙ୍କୁ ଗୁରୁତର ଅବସ୍ଥାରେ ଭଞ୍ଜନଗର ମେଡିକାଲରେ ଭର୍ତି କରାଯାଇଥିଲା । ପ୍ରାଥମିକ ଚିକିତ୍ସା ପରେ ଶିବରାମଙ୍କ ଅବସ୍ଥା ଗୁରୁତର ହେବାରୁ ତାଙ୍କୁ ବ୍ରହ୍ମପୁର ମେଡିକାଲକୁ ସ୍ଥାନାନ୍ତର କରାଯାଇଛି । ଘଟଣା ସଂକ୍ରାନ୍ତରେ ପୋଲିସ ଅନୁସନ୍ଧ୍ରାନ ଆରମ୍ଭ କରିଛି । ତେବେ ସହଯୋଗୀ ଜଣକ ଫେରାର୍ ଥିବା ଜଣାପଡିଛି । ଗୁଳି ଫୁଟାଇ ଥିବା ସହଯୋଗୀର ଜଣେ ସମ୍ପର୍କୀୟଙ୍କୁ ଅଟକ ରଖି ପଚରାଉଚୁରା ଚଳାଇଛି ପୋଲିସ ।
