ଗୋଠଛଡା ଦନ୍ତାର ଆତଙ୍କ, ଗ୍ରାମବାସୀ ଭୟଭୀତ
ଜଳେଶ୍ବର : ବାଲେଶ୍ବର ଜିଲା ଜଳେଶ୍ବର ଥାନା ବିରିଶପୁର ଓ ଗୋପ ଗ୍ରାମରେ ଏକ ଗୋଠଛଡା ଦନ୍ତା ହାତୀ ଆତଙ୍କ ଖେଳାଇଛି । ଦନ୍ତା ଭୟରେ ଭୟଭୀତ ଅଛନ୍ତି ଗ୍ରାମବାସୀ । ହାତୀ ଘଉଡାଇବାକୁ ବନ ବିଭାଗ କର୍ମଚାରୀ ନିୟୋଜିତ ହୋଇଛନ୍ତି ।
ସୂଚନାଯୋଗ୍ୟ ଯେ, ଗୁରୁବାର ସକାଳ ସମୟରେ ଏକ ଗୋଠଛଡା ଦନ୍ତା ଜଙ୍ଗଲ ମଧ୍ୟରୁ ଚାଲି ଆସି ବିରିଶପୁର ଏବଂ ଗୋପ ଗାଁ ମଧ୍ୟରେ ପଶି ଆତଙ୍କ ଖେଳାଇଛି । ଏହାକୁ ନେଇ ଗ୍ରାମବାସୀ ଭୟଭୀତ ହୋଇ ବନ ବିଭାଗ କର୍ମଚାରୀଙ୍କୁ ଖବର ଦେଇଥିଲେ । ଘଟଣାସ୍ଥଳରେ ବନ ବିଭାଗ କର୍ମଚାରୀ ପହଞ୍ଚି ହାତୀଟିକୁ ଘଉଡାଉଥିବାର ଦେଖିବାକୁ ମିଳିଛି ।
