ଗ୍ୟାସ୍ ଟାଙ୍କି ଫାଟିବାରୁ ଭୟାବହ ଅଗ୍ନିକାଣ୍ତ; ମହିଳା ମୃତ, ସ୍ୱାମୀ ଓ ଝିଅ ଗୁରୁତର
ନୟାଗଡ : ନୟାଗଡ ଜିଲା ଖଣ୍ଡପଡା ଥାନା ବିରିଡି ଗାଁରେ ଆଜି ରୋଷେଇ ବେଳେ ଗ୍ୟାସ୍ ଟାଙ୍କି ଫାଟି ଭୟଙ୍କର ବିସ୍ଫୋରଣ। ଗ୍ୟାସ୍ ଟାଙ୍କି ଫାଟିବାରୁ ଭୟାବହ ଅଗ୍ନିକାଣ୍ତ ଘଟି ଘର ଜଳିଯାଇଛି । ଦୁର୍ଘଟଣାରେ ମହିଳାଙ୍କର ମୃତ୍ୟୁ ହୋଇଥିବା ବେଳେ ସ୍ୱାମୀ ଓ ଝିଅ ଗୁରୁତର ହୋଇଛନ୍ତି । ଉଭୟଙ୍କୁ ଉଦ୍ଧାର କରାଯାଏ ଚିକିତ୍ସା ପାଇଁ ସ୍ଥାନୀୟ ମେଡିକାଲରେ ଭର୍ତ୍ତି କରାଯାଇଛି ।
ସୂଚନା ଯେ, ନବିରିଡି ଗାଁରେ ରୋଷେଇ କରିବା ବେଳେ ଗ୍ୟାସ୍ ଟାଙ୍କି ଫାଟିଯାଇଛି । ବିସ୍ଫୋରଣ ଫଳରେ ରୋଷେଇ କରୁଥିବା ମହିଳାଙ୍କର ମୃତ୍ୟୁ ହୋଇଛି । ଘରେ ଥିବା ମହିଳାଙ୍କ ସ୍ୱାମୀ ଓ ଝିଅ ଗୁରୁତର ହୋଇଛନ୍ତି । ଗ୍ୟାସ୍ ସିଲିଣ୍ଡର ଫାଟି ବିସ୍ଫୋରଣ ଘଟିବା ପରେ ଘରେ ମଧ୍ୟ ନିଆଁ ଲାଗିଯାଇଥିବା ଜଣାପଡିଛି । ଘଟଣାସ୍ଥଳରେ ପୋଲିସ ଓ ଅଗ୍ନିଶମବାହିନୀ କର୍ମଚାରୀ ପହଞ୍ଚିଛନ୍ତି । ଘଟଣାର ତଦନ୍ତ ଜାରି ରଖିଛି ପୋଲିସ ।
