ବଲିଉଡ ପରେ ସାଉଥରେ କରୋନା! ସୁପରଷ୍ଟାର୍ ମହେଶ ବାବୁ ସଂକ୍ରମିତ
ମୁମ୍ବାଇ : ସାଉଥର ସୁପରଷ୍ଟାର୍ ମହେଶ ବାବୁ କରୋନା ସଂକ୍ରମିତ ହୋଇଛନ୍ତି । ଏନେଇ ସୋସିଆଲ୍ ମିଡିଆରେ ଏହି ସୂଚନା ଦେଇଛନ୍ତି । ମହେଶ ବାବୁ କହିଛନ୍ତି, ସଂକ୍ରମଣରୁ ସୁରକ୍ଷା ପାଇଁ ଏହାର ପ୍ରତିକାର ମୂଳକ ପଦକ୍ଷେପ ଆପଣାଇଥିଲି । ଏହି ସବୁ ସତ୍ତ୍ବେ ଏହି ଭାଇରସ୍ ସଂସ୍ପର୍ଶରେ ଆସିଛି । ମୋ ବ୍ୟତୀତ ମୋ ଠାରେ କରୋନାର ସାମାନ୍ୟ ଲକ୍ଷଣ ରହିଛି ।
ଏଥିପାଇଁ ନିଜ ପ୍ରଶଂସକ ଓ ବନ୍ଧୁମାନଙ୍କୁ କହିଛନ୍ତି, କରୋନା ସଂକ୍ରମିତ ଥିବା ଜଣାପଡ଼ିବା ପରେ ମୁଁ ନିଜକୁ ଘର ମଧ୍ୟରେ ସଙ୍ଗରୋଧ କରିଦେଇଛି । ମହାମାରୀ ସଂକ୍ରାନ୍ତ ସମସ୍ତ ସ୍ବାସ୍ଥ୍ୟଗତ ଗାଇଡ୍ଲାଇନ୍କୁ ଫଲୋ କରୁଛି । ତେବେ ମୋ ସଂସ୍ପର୍ଶରେ ଆସିଥିବା ସମସ୍ତଙ୍କୁ କରୋନା ପରୀକ୍ଷା କରାଇବା ପାଇଁ ଅନୁରୋଧ କରୁଛି । ଟିକା ନେଇ ନ ଥିବା ଲୋକମାନେ ତୁରନ୍ତ ଟିକା ନେବାକୁ ଆବଶ୍ୟକ ବୋଲି ସେ ଦେଇଛନ୍ତି । ଏହା ବ୍ୟତୀତ ମହେଶ ବାବୁ କହିଛନ୍ତି, କୋଭିଡ ଟିକା ଲଗାଇବା ଦ୍ବାରା ମଧ୍ୟ କରୋନା ସଂକ୍ରମଣର ଗୁରୁତର ଲକ୍ଷଣ ଆଶଙ୍କା ଟଳିଯାଉଛି । ହସ୍ପିଟାଲରେ ଭର୍ତ୍ତି ହେବା ଆଶଙ୍କା ମଧ୍ୟ କମୁଛି । ତେଣୁ ସମସ୍ତେ ଟିକା ନେବା ଉଚିତ । ସମସ୍ତ କୋଭିଡ ନିୟମ ପାଳନ କରି ନିରାପଦ ରହିବାକୁ ସେ ଅନୁରୋଧ କରିଛନ୍ତି ।
