ଫିଲ୍ମ ପୁଷ୍ପା-୨ର ଟିଜର ରିଲିଜ୍, ଜଙ୍ଗଲରେ ବାଘ ସହ ପୁଷ୍ପାର ଝଲକ ଖୁବ୍ ଚମତ୍କାର
ନୂଆଦିଲ୍ଲୀ : ଖୁବଶୀଘ୍ର ବଡ଼ ପରଦାକୁ ଆସିବ ଫିଲ୍ମ ପୁଷ୍ପା-୨ । ଏହି ପରିପ୍ରେକ୍ଷୀରେ ପୁଷ୍ପା-୨ର ଟିଜର ରିଲିଜ୍ ହୋଇସାରିଛି । ଏପ୍ରିଲ ୮ ତାରିଖରେ ଅଲ୍ଲୁ ଅର୍ଜୁନଙ୍କର ଜନ୍ମଦିନ ଥିବାରୁ ଏହି ଫିଲ୍ମର ଟିଜର ରିଲିଜ୍ ହୋଇଛି। ଫିଲ୍ମର ନାଁ ରହିଛି ‘ପୁଷ୍ପା ଦି ରୁଲ’ । ଟି-ସିରିଜ୍ ୟୁଟ୍ୟୁବ ଚ୍ୟାନେଲ୍ରେ ଫିଲ୍ମର ଟିଜର ରିଲିଜ୍ ହୋଇଛି।
୨୦୨୧ ଡିସେମ୍ବରର ରିଲିଜ୍ ହୋଇଥିଲା ପୁଷ୍ପା। ସୁକୁମାର ଫିଲ୍ମ ନିର୍ଦ୍ଦେଶନା ଦେଇଥିବା ବେଳେ ଅଲୁ ଅର୍ଜୁନଙ୍କୁ ଏକ ଚନ୍ଦନ ତସ୍କର ଭୂମିକାରେ ଦେଖିବାକୁ ମିଳିଥିଲା। ଫିଲ୍ମର ଶେଷରେ ହିଁ ଏହାର ଆଉ ଏକ ଭାଗ ଆସିବ ବୋଲି ଘୋଷଣା ହୋଇସାରିଥିଲା। ଆଉ ସେବେଠାରୁ ପୁଷ୍ପା-୨ ଫିଲ୍ମକୁ ଅପେକ୍ଷା କରିଥିଲେ ଫ୍ୟାନ୍। ଶେଷରେ ଆଜି ଏହାର ଟିଜର ରିଲିଜ୍ ହୋଇଛି। ୨୦ ସେକେଣ୍ଡରେ ଏହି ଭିଡିଓରେ ପୁଷ୍ପା ଫେରାର ହେବା ଠାରୁ ଆରମ୍ଭ କରି ପୁଷ୍ପା ରାଜ୍ ପର୍ଯ୍ୟନ୍ତ ଅଳ୍ପରେ ଦୃଶ୍ୟ ରହିଛି। ଫେରାର୍ ପୁଷ୍ପାକୁ ପୁଲିସ ଖୋଜୁଥିବା ବେଳେ ଜଙ୍ଗଲର ଏକ ବାଘ ସାଙ୍ଗରେ ପୁଷ୍ପାର ଏକ ଝଲକ ଖୁବ୍ ଚମତ୍କାର ହୋଇଛି।
