ରିଲିଜ୍ ହେଲା ଷ୍ଟାଇଲିଶ ଷ୍ଟାର୍ ଅଲ୍ଲୁ ଅର୍ଜୁନଙ୍କ ଫିଲ୍ମ ‘ପୁଷ୍ପା’ : ତାମିଲ, କନ୍ନଡ, ହିନ୍ଦୀରେ ଫିଲ୍ମ ରିଲିଜ୍
ମୁମ୍ବାଇ : ଜବରଦସ୍ତ ଆକ୍ସନ ସହ ବଡ ପରଦାରେ ରିଲିଜ୍ ହୋଇଛି ଷ୍ଟାଇଲିଶ ଷ୍ଟାର୍ ଅଲ୍ଲୁ ଅର୍ଜୁନଙ୍କ ଫିଲ୍ମ ‘ପୁଷ୍ପା’ । ଚନ୍ଦନ କାଠ ଚୋରି ଓ ଏହା ପଛରେ ଥିବା ସ୍ମଗଲଙ୍କ ଜଙ୍ଗଲରେ ରହୁଥିବା ଆଦିବାସୀଙ୍କ ସହ ମୁହାଁମୁହିଁ ପରିସ୍ଥିତିକୁ ନେଇ ଫିଲ୍ମ ‘ପୁଷ୍ପା’ର କାହାଣୀ ଆଧାରିତ । ଫିଲ୍ମ ରିଲିଜ୍ ହେବା ପୂର୍ବରୁ ଅଲ୍ଲୁ ଅର୍ଜନଙ୍କ ଫ୍ୟାନ୍ ମନାଇଛନ୍ତି ସେଲିବ୍ରେସନ ।
ଆଜି ସକାଳୁ ସକାଳୁ ଦକ୍ଷିଣ ଭାରତର ଏକାଧିକ ଥିଏଟରରେ ଫିଲ୍ମ ‘ପୁଷ୍ପା’ ରିଲିଜ୍ ହୋଇଛି । ପ୍ରଥମ ଥର ପାଇଁ ଅଲ୍ଲୁଙ୍କୁ ସାଉଥ୍ ହାର୍ଟ ଥ୍ରୋପ ରଶ୍ମିକା ମନନ୍ଦନା ସହ ନଜର ଆସିଛନ୍ତି । ଦେଶୀ ରୋମାନ୍ସ ଓ ଉଭୟଙ୍କ ଡ୍ୟାନ୍ସ ଦର୍ଶକଙ୍କୁ ବେଶ୍ ପସନ୍ଦ ଆସିବ । ଗୀତ ରିଲିଜ୍ ହେଉ ହେଉ ଫ୍ୟାନ୍ ଏଥିରେ ଝୁମିଛନ୍ତି । ତେଲୁଗୁ ସମେତ ତାମିଲ, କନ୍ନଡ, ହିନ୍ଦୀରେ ଫିଲ୍ମ ରିଲିଜ୍ ହୋଇଛି । ‘ପୁଷ୍ପା’ ହେଉଛି ପ୍ରଥମ ପାର୍ଟ । ସେହିପରି ଆସନ୍ତା ବର୍ଷ ଏହାର ଦ୍ୱିତୀୟ ପାର୍ଟ ରିଲିଜ୍ ହେବ ବୋଲି ଜଣାପଡିଛି ।
