ଜିପିଆରଏସ ପାଇଁ ଉଦ୍ଧାର ହେଲା ଚୋରି ଗାଡ଼ି, ଅଭିଯୁକ୍ତ ଗିରଫ
ବାଲିଆପାଳ : କାମ ଦେଲା ଅଭିନବ ଉପାୟ । ଜିପିଆରଏସ ଯୋଗୁଁ ଚୋରି ହୋଇଥିବା ଗାଡିକୁ ଫେରି ପାଇଲେ ମାଲିକ । ସେହିପରି ଅଭିଯୁକ୍ତକୁ ଗିରଫ କରିଛି ପୋଲିସ ।
ସୂଚନା ଯେ, ବାଲେଶ୍ଵର ସହରରୁ ଗତକାଲି ରାତିରେ ଏକ ହୋଣ୍ଡା ୟୁନିକର୍ଣ୍ଣ (ନଂ. ଓଡି୦୧ଏସି-୪୭୫୭) ବାଇକ ଚୋରୀ ହୋଇଥିଲା । ଉକ୍ତ ଗାଡ଼ିରେ ଜିପିଆରଏସ ଲାଗିଥିବାରୁ ଗାଡ଼ି ମାଲିକ ଏହାକୁ ଟ୍ରାକ କରି ସିଂଲା ଥାନା ଜାମଶୂଳି ଛକରୁ ଗାଡି ସହିତ ଚୋରକୁ ଠାବ କରିବାକୁ ସଫଳ ହୋଇଥିଲେ । ଫଳରେ ସିଂଲା ଥାନା ପୋଲିସ ଜାମଶୂଳି ଛକରେ ପହଞ୍ଚି ଗାଡ଼ି ଜବତ କରିବା ସହିତ ଅଭିଯୁକ୍ତକୁ ଗିରଫ କରିଛନ୍ତି । ଘଟଣାଟି ସହଦେବଖୁଣ୍ଟା ମଡେଲ ଥାନା ଅଧୀନରେ ହୋଇଥିବାରୁ ଉଦ୍ଧାର ଗାଡ଼ି ସହିତ ଚୋରକୁ ସହଦେବଖୁଣ୍ଟା ଥାନାକୁ ହସ୍ତାନ୍ତର କରାଯାଇଛି । ତେବେ ଗାଡ଼ି ଚୋରୀ ରାକେଟର ଅଧିକ ତଦନ୍ତ ପାଇଁ ପୋଲିସ ଅଭିଯୁକ୍ତର ପରିଚୟ ସାର୍ବଜନୀନ କରିନାହାନ୍ତି ।
