ଶିକ୍ଷା ବିକାଶ ସମିତି ଆନୂକୂଲ୍ୟରେ ଖେଳକୁଦ ସମାରୋହ
ନୀଳଗିରି : ବିଦ୍ୟାଭାରତୀ ଓଡ଼ିଶା ପୂର୍ବୋତ୍ତର ସମ୍ଭାଗ ଶିକ୍ଷାବିକାଶ ସମିତି ଆନୂକୂଲ୍ୟରେ ସୋମବାର ୧୬ତାରିଖ ଏବଂ ମଙ୍ଗଳବାର ୧୭ତାରିଖ ଦିନ ଦୁଇ ଦିବସୀୟ ସମ୍ଭାଗ ଖେଳକୁଦ ସମାରୋହ ନୀଳଗିରି ଶିଶୁ ବିନ୍ଦ୍ୟା ମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି । ଏହି ଉତ୍ସବକୁ ମୁଖ୍ୟ ଅତିଥି ଭାବେ ସରୋଜ କୁମାର ଦାସ ଉପସ୍ଥିତ ରହି ଉଦ୍ଘାଟନ କରିଥିଲେ ।
ଅଧ୍ୟକ୍ଷ ମୁକ୍ତେଶ୍ୱର ସେଠୀଙ୍କ ପୌରହିତ୍ୟରେ ଅନୁଷ୍ଠିତ ଉତ୍ସବର ମୁଖ୍ୟବକ୍ତା ଭାବେ ଦେବେନ୍ଦ୍ର ପଟ୍ଟନାୟକ, ସମ୍ମାନିତ ଅତିଥି ଭାବେ ଇଂ. ସୁଜିତ ମହାନ୍ତି, ଉପସ୍ଥିତ ରହି ନିଜ ନିଜର ଉଦ୍ବୋଧନ ଦେଇଥିଲେ । ଉତ୍ସବର ସମ୍ଭାଗ ସଂଯୋଜକ ହେମନ୍ତ କୁମାର ମହାରଣା ଖେଳକୁଦ ପରିଚାଳନା କରିଥିଲେ । ଭଦ୍ରକ ବିଭାଗ ନିରୀକ୍ଷକ ଶ୍ରୀନିବାସ ପ୍ରଧାନ ଧନ୍ୟବାଦ ଅର୍ପଣ କରିଥିଲେ । ପିଲାମାନଙ୍କ ମଧ୍ୟରେ ଶାରିରୀକ ଓ ମାନସିକ ଦକ୍ଷତା ବୃଦ୍ଧିରେ ଖେଳକୁଦ ଏକ ପ୍ରମୁଖ ମାଧ୍ୟମ ବୋଲି ବକ୍ତାମାନେ ମନ୍ତବ୍ୟ ଦେଇଥିଲେ । ଶେଷରେ କୃତି ପିଲାମାନଙ୍କୁ ପୁରସ୍କାର ବଣ୍ଟନ କରାଯାଇଥିଲା ।
