ମୁନିଲାଲ ମହାନ୍ତଙ୍କ କିଛି ଅତୀତ, କିଛି ବର୍ତମାନ ଲୋକାର୍ପିତ
ବାରିପଦା : ମୟୂରଭଞ୍ଜର ବରିଷ୍ଠ ସାରସ୍ୱତ ସାଧକ ମୁନିଲାଲ ମହାନ୍ତଙ୍କ ରଚିତ କିଛି ଅତୀତ, କିଛି ବର୍ତମାନ ବାରିପଦା ସାଇ ବିନାୟକ କଲ୍ୟାଣ ମଣ୍ଡପରେ ଏମପିସି କଲେଜ ୭୪ ବ୍ୟାଚ ଛାତ୍ରଛାତ୍ରୀଙ୍କର ବନ୍ଧୁମିଳନ ଉତ୍ସବ ଅବସରରେ ଉନ୍ମୋଚିତ ହୋଇଯାଇଛି । ଅବସରପ୍ରାପ୍ତ ପ୍ରାଧ୍ୟାପକ ଡ.ସୁଶାନ୍ତ କୁମାର ବଶାଙ୍କ ସଭାପତିତ୍ୱରେ ଅନୁଷ୍ଠିତ ଏହି ଉନ୍ମୋଚନ ଉତ୍ସବରେ ଅବସରପ୍ରାପ୍ତ, ପ୍ରାଧ୍ୟାପକ ମହେଶ୍ୱର ବିଶ୍ୱାଳ, କଣ୍ଟାପାଳ ସରକାରୀ ଉଚ୍ଚ ବିଦ୍ୟାଳୟ ପ୍ରଧାନ ଶିକ୍ଷକ ଅମିତାଭ ମିଶ୍ର, ଜାତୀୟ ପୁରସ୍କାର ପ୍ରାପ୍ତ ଶିକ୍ଷକ ଡ.ଶଶୀଧର ବିଶ୍ୱାଳ, ଅବସରପ୍ରାପ୍ତ ଅଧ୍ୟକ୍ଷ ପ୍ରବୋଧ କୁମାର ମହାପାତ୍ର, ଅବସରପ୍ରାପ୍ତ ବ୍ୟାଙ୍କ ଅଫ୍ ଇଣ୍ଡିଆର ମ୍ୟାନେଜର ସୁଶାନ୍ତ କୁମାର ଦାସ ଅଧିକାରୀ ଅବସରପ୍ରାପ୍ତ ଶିକ୍ଷୟତ୍ରୀ ଭାରତୀ ଦାସ ପ୍ରମୁଖ ଯୋଗଦେଇ ପୁସ୍ତକ ଉନ୍ମୋଚନ କରିବା ସହ ଲେଖକଙ୍କ ଉଦ୍ୟମର ଭୟସୀ ପ୍ରସଂଶା କରିଥିଲେ । ଶିକ୍ଷକ ରାଜୀବ ଲୋଚନ ଜେନା କାର୍ଯ୍ୟକ୍ରମ ପରିଚାଳନାରେ ସହଯୋଗ କରିଥିଲେ ।
