ପୁଣି ଶିମିଳିପାଳରେ ନିଆଁ, ବିପଦରେ ବନ୍ୟଜନ୍ତୁ
ଉଦଳା : ପୁଣି ଶିମିଳିପାଳରେ ଲାଗିଲା ନିଆଁ । ଏହି ନିଆଁ ପୋଡାଡିହା ରେଞ୍ଜର ଅନନ୍ତପୁର ଏବଂ ଉଦଳା ରେଞ୍ଜର ମାଣିକପୁର ଜଙ୍ଗଲରେ ଲାଗିଛି । ଶିମିଳିପାଳ ପାହାଡର ଉପରମୁଣ୍ଡରେ ଏହି ନିଆଁ ଲାଗିଥିବା ବେଳେ ପୁରା ପରିବେଶ ଧୂଆଁମୟ ହୋଇଯାଇଛି । ନିଆଁ ଧୀରେ ଧୀରେ ନିଜର କାୟା ବିସ୍ତାର କରିବାରେ ଲାଗିଛି । ଫଳରେ ଏବେ ବିପଦରେ ବନ୍ୟଜନ୍ତୁ ।
ସୂଚନା ଯେ, ଗତ ବର୍ଷ ମଧ୍ୟ ଏହି ଦୁଇ ରେଞ୍ଜରେ ନିଆଁ ଲାଗି ବ୍ୟାପକ ବୃକ୍ଷଲତା ଜଳିପୋଡି ନଷ୍ଟ ହୋଇଯାଇଥିଲା । ସେହିପରି ନିଆଁ ଲାଗିବା ସବୁଠାରୁ ଚର୍ଚ୍ଚାର ବିଷୟ ଥିବା ବେଳେ ଏବେ ପୁଣି ନିଆଁ ଲାଗିଛି ।
