ବାଲେଶ୍ୱର : ଶ୍ରାବଣ ସୋମବାର ଜଳାଭିଷେକ ପାଇଁ ପାଣି ଆଣିବାକୁ ଯାଇ ନାବାଳକ ନିଖୋଜ
ବାଲିଆପାଳ : ବାଲେଶ୍ୱର ଜିଲା ବାଲିଆପାଳ ଥାନା ମାନପୁର ସ୍ଥିତ ସୁବର୍ଣ୍ଣରେଖା ନଦୀର ସିଆଡି ଘାଟରେ ଅଘଟଣ । ଶ୍ରାବଣ ମାସ ସୋମବାର ମନ୍ଦିରରେ ପାଣି ଢ଼ାଳିବା ପାଇଁ ପାଣି ଆଣିବାକୁ ଯାଇ ନାବାଳକ ନିଖୋଜ । ନିଖୋଜ ନାବାଳକ ହେଲେ ଉକ୍ତ ଗ୍ରାମର ୮ମ ଶ୍ରେଣୀର ଛାତ୍ର ଶୁଭମ ରଣା। ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛି ।
ସୂଚନା ଯେ, ଶ୍ରାବଣ ମାସ ସୋମବାର ଥିବାରୁ ମନ୍ଦିରରେ ପାଣି ଢ଼ାଳିବା ପାଇଁ ବାଲିଆପାଳ ଥାନା ଧର୍ମଦ୍ଵାର ପଞ୍ଚାୟତ ମାନପୁର ଗ୍ରାମର ପୂର୍ଣ୍ଣଚନ୍ଦ୍ର ରଣାଙ୍କର ନାବାଳକ ପୁତ୍ର ଶୁଭମ ନିଜର ୪ରୁ ୫ ଜଣ ସାଙ୍ଗମାନଙ୍କ ସହିତ ସୁବର୍ଣ୍ଣରେଖା ନଦୀର ମାନପୁର ସିଆଡି ଘାଟରେ ପାଣି ଉଠେଇବାକୁ ଯାଇଥିଲେ। ସେଠାରେ ନଦୀରେ ପାଣିପ୍ରବଳ ଥିବାରୁ ଅସାବଧାନତା ଯୋଗୁଁ ଶୁଭମ ପାଣିରେ ଭାସି ଯାଇଥିଲେ । ସାଙ୍ଗ ମାନେ ତାଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲେ ମଧ୍ୟ କରି ପାରିନଥିଲେ। ଶେଷରେ ଏନେଇ ଗ୍ରାମବାସୀଙ୍କୁ ଖବର ଦେଇଥିଲେ। ଗାଁ ଲୋକ ଅଗ୍ନିଶମ ବିଭାଗକୁ ଖବର ଦେଇଥିଲେ। ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ବହୁ ଖୋଜ ଖୋଜି ପରେ ପାଇ ନଥିଲେ ହେଁ ଉଦ୍ଧାର କାର୍ଯ୍ୟ ଜାରି ରଖିଛି ।
