ସେକ୍ସ ରାକେଟ୍ ଠାବ : ୧୪ ପୁରୁଷ ଗ୍ରାହକ ଗିରଫ, ୧୩ ଯୁବତୀ ଉଦ୍ଧାର
ଝାରସୁଗୁଡ଼ା : ଝାରସୁଗୁଡା ପଞ୍ଚପଡାର ଏକ ହୋଟେଲରେ ଝାରସୁଗୁଡା ଟାଉନ ଥାନା ପୋଲିସର ଚଢ଼ାଉ। ଚଢ଼ାଉରେ ସେକ୍ସ ରାକେଟ ଠାବ। ହୋଟେଲରୁ ୧୪ ଜଣ ପୁରୁଷ ଗ୍ରାହକଙ୍କୁ ଗିରଫ କରିଥିବା ବେଳେ ୧୩ ଜଣ ଯୁବତୀଙ୍କୁ ଉଦ୍ଧାର କଲା ପୋଲିସ ।
ସୂଚନା ଯେ, ଝାରସୁଗୁଡ଼ା ପଞ୍ଚପଡ଼ାର ଏକ ହୋଟେଲରେ ସେକ୍ସ ରାକେଟ୍ ଚାଲିଥିବା ନେଇ ପୋଲିସକୁ ଗୁଇନ୍ଦା ସୂଚନା ମିଳିଥିଲା । ଏହିକ୍ରମରେ ପୋଲିସ ବିଳମ୍ବିତ ରାତିରେ ଚଢାଉ କରିଥିଲା । ଏହି ଚଢାଉରେ ସେକ୍ସ ରାକେଟ୍ ଠାବ କରିଥିଲା ପୋଲିସ । ଏହାସହିତ ୧୩ଜଣ ଯୁବତୀଙ୍କୁ ଉଦ୍ଧାର କରିବା ସହ ୧୪ ଜଣ ପୁରୁଷଙ୍କୁ ଗିରଫ କରିଛି । ଏହାବାଦ୍ ଜଣେ ଦଲାଲକୁ ମଧ୍ୟ ଗିରଫ କରିଛି ପୋଲିସ । ତେବେ ଏଠାରେ କେତେଦିନ ଧରି ସେକ୍ସ ରାକେଟ୍ ଚାଲିଥିଲା । ଏହା ପଛର ମାଷ୍ଟରମାଇଣ୍ଡ କିଏ ? ସେନେଇ ଛାନ୍ଭିନ୍ ଜାରି ରଖିଛି ପୋଲିସ । ଖୁବଶୀଘ୍ର ଏନେଇ ସମସ୍ତ ତଥ୍ୟ ଉପରୁ ପୋଲିସ ପରଦା ହଟାଇବ ବୋଲି ଆଶା କରାଯାଉଛି ।
