ଅବସରପ୍ରାପ୍ତ ଶିକ୍ଷକ ଙ୍କୁ ବିଦାୟ କାଳୀନ ସମ୍ବର୍ଦ୍ଧନା
କୋରାପୁଟ : ବୋରିଗୁମ୍ମା ଶିକ୍ଷକ ଭବନ ଠାରେ ଦୁର୍ଯ୍ୟୋଧନ ନାୟକ ଶିକ୍ଷକ ଟିଙ୍ଗିରିପୁଟ ପ୍ରାଥମିକ ବିଦ୍ୟାଳୟ ଙ୍କ ଅବସର କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଥିଲା। ଏଥିରେ ମୂଖ୍ୟଅତିଥି ଗୋଷ୍ଠୀ ଶିକ୍ଷା ଅଧିକାରୀ ସଚିନ୍ ମଲ୍ଲୀକ ଯୋଗ ଦେଇଥିବା ବେଳେ ସମ୍ମାନିତ ଅତିଥି ଭାବେ ଏବିଇଓ ଶତ୍ରୁଘ୍ନ ଖଣ୍ଡା, ସୁବାଷ ଚନ୍ଦ୍ର ମାଝୀ, ଭଗବାନ ମାଝୀ ଯୋଗ ଦେଇଥିଲେ।ମୁଖ୍ୟ ଅତିଥି ଵିଇଓ ଶ୍ରୀ ମଲ୍ଲିକ ସାଲ ଓ ଫୁଲତୋଡା ପ୍ରଦାନ କରି ସମ୍ବର୍ଦ୍ଧନା ଜଣାଇଥିଲେ। ଅବସରପ୍ରାପ୍ତ ଶିକ୍ଷକ ଦୁର୍ଯ୍ୟୋଧନ ନାୟକ ଙ୍କ ଶିକ୍ଷକ ଜୀବନ ରେ ବିତିଯାଇଥିବା ମୁହୂର୍ତ୍ତ କୁ ମନେ ପକାଇଥିଲେ।ତାଙ୍କ ଅବସରପ୍ରାପ୍ତ ଜୀବନ ସୁଖମୟ ହେଉ ବୋଲି କାମନା କରିଥିଲେ।ଅନ୍ୟ ମାନଙ୍କ ମଧ୍ୟରେ ପ୍ରାଥମିକ ଶିକ୍ଷକ ସଂଘ ର ସଭାପତି ମୃତ୍ୟୁଞ୍ଜୟ ପଣ୍ଡା, ସମ୍ପାଦକ ଏନ୍.କାମେଶ୍ବର ରାଓ, ଉପସଭାପତି ଲଳୀତ କୁମାର ପଟ୍ଟନାୟକ ଏବଂ ବିଭିନ୍ନ ବର୍ଗର ଶିକ୍ଷକ ସଂଘ ତଥା ଶିକ୍ଷକ, ଶିକ୍ଷୟିତ୍ରୀ ମାନେ ଅବସରପ୍ରାପ୍ତ ଶିକ୍ଷକ ଙ୍କ ସମ୍ବର୍ଦ୍ଧନା ସଭାରେ ଉପସ୍ଥିତ ଥିଲେ। ଉକ୍ତ କାର୍ଯ୍ୟକ୍ରମ କୁ ଶିକ୍ଷକ ପି.ଚନ୍ଦ୍ରଶେଖର ରାଓ,ସୁରେନ୍ଦ୍ର ବିଶୋଇ, ସୁଧୀର ନାୟକ,ବାବୁଲି ରାୟ, ଗୋପାଳ କୃଷ୍ଣ ପାତ୍ର ପରିଚାଳନା କରିଥିଲେ।
