ନିଆଁ ଲାଗି ଗୋଟିଏ ପରିବାରର ୭ ଜୀବନ୍ତ ଦଗ୍ଧ
ଚଣ୍ଡିଗଡ଼: ପଞ୍ଜାବ ଲୁଧିଆନାରେ ଏକ ଝୁମ୍ପୁଡି ଘରେ ନିଆଁ ଲାଗି ଗୋଟିଏ ପରିବାରର ୭ ଜଣ ସଦସ୍ୟ ଜୀବନ୍ତ ଦଗ୍ଧ ହୋଇଯାଇଛନ୍ତି। ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହକୁ ଜବତ କରି ତଦନ୍ତ ଆରମ୍ଭ କରିଛି।
ସୂଚନା ଅନୁଯାୟୀ, ବୁଧବାର ସକାଳେ ଏହି ଘଟଣା ତିବ୍ବା ଅଞ୍ଚଳରେ ଘଟିଥିଲା | ଏକ ଝୁମ୍ପୁଡି ଘରେ କୌଣସି କାରଣରୁ ନିଆଁ ଲାଗିବା ଯୋଗୁଁ ଗୋଟିଏ ପରିବାରର ସାତ ଜଣ ଜୀବନ୍ତ ଦଗ୍ଧ ହୋଇଥିଲେ। ଲୁଧିଆନା ସହକାରୀ ପୋଲିସ କମିଶନର ସୁରିନ୍ଦର ସିଂ କହିଛନ୍ତି ଯେ ମୃତକମାନେ ପ୍ରବାସୀ ଶ୍ରମିକ ଥିଲେ । ଘଟଣା ବେଳେ ସେମାନେ ତିବ୍ବା ରୋଡ ସ୍ଥିତ ମ୍ୟୁନିସିପାଲିଟି ଡମ୍ପିଂୟାର୍ଡ ନିକଟରେ ନିଜ ଝୁମ୍ପୁଡି ଘରେ ଶୋଇଥିଲେ। ମୃତକଙ୍କ ମଧ୍ୟରେ ଏକ ଦମ୍ପତି ଏବଂ ସେମାନଙ୍କର ପାଞ୍ଚ ସନ୍ତାନ ଅଛନ୍ତି ବୋଲି ତିବ୍ବା ପୋଲିସ୍ ଥାନାର ଏସ୍ଏଚ୍ଓ ରଣବୀର ସିଂ କହିଛନ୍ତି ।
