ବେଆଇନ ବିଦେଶୀ ମଦ ଜବତ, ଜଣେ ଗିରଫ
କଟକ : ଏକ ୟାମହା ସ୍କୁଟିରେ ବିଦେଶୀ ମଦ ଚାଲାଣ କରାଯାଉଥିବା ବେଳେ ୪୨ ମୈାଜା ଥାନା ପୋଲିସ ଗାଡିକୁ ଅଟକାଇ ମଦ ଜବତ କରିବା ସହିତ ଏହି କାରବାରରେ ଜଣକୁ ଗିରଫ କରିଛି । ଗିରଫ ଅଭିଯୁକ୍ତ ଜଣକ ସଦର ଥାନା ଅନ୍ତର୍ଗତ କୋରକରାର ମନୋରଂଜନ ସେଠୀ(୪୧) । ତା ନିକଟରୁ ମାକଡୱେଲ୍ସ ନଂ ୧, ସେଲିବ୍ରେସନ୍ ୧୮୦ ଏମଏଲ୍ର ୨୩ଟି ବୋତଲ, ମାକଡ୍ୱେଲ୍ ନଂ-୧ ଅରିଜିନାଲ ୧୮୦ ଏମଏଲ୍ର ୮ଟି ବୋତଲ ଓ ଇମ୍ପରିଆଲ ବ୍ଲୁ ୧୮୦ ଏମଏଲ୍ର ୩ଟି ମଦ ବୋତଲ ଜବତ କରାଯିବା ସହ ସେ ବ୍ୟବହାର କରୁଥିବା ୟାମହା ସ୍କୁଟି(ଓଡି-୦୫-ଭି-୮୬୪୭)କୁ ଜବତ କରିଛି । ପ୍ରକାଶ ଯେ, ଗତ କାଲି ଥାନା ପୋଲିସ ପାଟ୍ରୋଲିଂ କରୁଥିବା ବେଳେ ଉକ୍ତ ଗାଡିଟି ଖୁବ୍ ଦ୍ରୁତ ଗତିରେ ଯାଉଥିଲା । ପୋଲିସର ସନ୍ଦେହ ହେବାରୁ ତାକୁ ଅଟକିବାକୁ କହିବା ପରେ ଗାଡିଟି ଆହୁରି ଦ୍ରୁତ ବେଗରେ ପଳାଇଥିଲା । ତେବେ ପୋଲିସ ଗାଡିଟିର ପିଛା କରି କଳପଡାଠାରେ ତାକୁ କାବୁ କରିଥିଲା । ତେବେ ତା ନିକଟର ଥିବା ବିଦେଶୀ ମଦ ବିକିବାର କୈାଣସି ଲାଇସେନ୍ସ ନଥିବାରୁ ପୋଲିସ ତାକୁ ଗିରଫ କରି ଆଜି କୋର୍ଟ ଚାଲାଣ କରିଛି । ରାସ୍ତା ପାଲଟିଛି ମରଣଯନ୍ତା
