ମୋହାଲି ଟେଷ୍ଟର ଦ୍ୱିତୀୟ ଦିନ : ବଡ଼ ସ୍କୋର ଲକ୍ଷ୍ୟରେ ଟିମ୍ ଇଣ୍ଡିଆ
ମୁମ୍ବାଇ : ଭାରତ-ଶ୍ରୃଲଙ୍କ ମଧ୍ୟରେ ମୋହାଲି ଟେଷ୍ଟ ଜାରି ରହିଛି । ଏହି ପରିପ୍ରେକ୍ଷୀରେ ଶନିବାର ଦ୍ୱିତୀୟ ଦିନରେ ବଡ଼ ସ୍କୋର ଲକ୍ଷ୍ୟରେ ରହିଛି ଟିମ୍ ଇଣ୍ଡିଆ । ଅପରାଜିତ ରବୀନ୍ଦ୍ର ଜାଡେଜା ୪୫ ରନ କରିଛନ୍ତି । ଜାଡେଜାଙ୍କ ଠାରୁ ବଡ ସ୍କୋର ଆଶା ରଖିଛନ୍ତି ଫ୍ୟାନ୍ । ତାଙ୍କ ସହ ଅଛନ୍ତି ଆର ଅଶ୍ୱିନୀ । ସେ ୧୦ ରନ କରି ଅପରାଜିତ ଅଛନ୍ତି । ଭାରତ ୬ ଓ୍ଵିକେଟ ହରାଇ କରିଛି ୩୫୭ ରନ ।
ପ୍ରଥମ ଦିନରେ ଋଷଭ ପନ୍ତଙ୍କ ଦାୟିତ୍ୱପୂର୍ଣ୍ଣ ଇନିଂସ ଖେଳିଥିଲେ । ୯୭ ବଲରେ ୯୬ ରନ କରିଥିଲେ ପନ୍ତ । ହନୁମା ବିହାରି ୫୮ ରନ କରିଥିବା ବେଳେ ବିରାଟ କୋହଲି ୧୦୦ତମ ମ୍ୟାଚରେ ୪୫ ରନ କରି ଆଉଟ ହୋଇଥିଲେ । ଅନ୍ୟପଟେ ଭାରତର ୪ ଓ୍ଵିକେଟକୁ ଶୀଘ୍ର ନେବା ଲକ୍ଷ୍ୟରେ ରହିବ ଶ୍ରୀଲଙ୍କା ।
