ବିଧାନସଭା ବଜେଟ ଅଧିବେଶନର ଦ୍ୱିତୀୟ ଦିନ : ପ୍ରଶ୍ନକାଳ ଆରମ୍ଭରୁ ଗୃହରେ ହୋହଲ୍ଲା
ଭୁବନେଶ୍ୱର : ବିଧାନସଭା ବଜେଟ ଅଧିବେଶନର ଦ୍ୱିତୀୟ ଦିନ । ତେବେ ପ୍ରଶ୍ନକାଳ ଆରମ୍ଭରୁ ଗୃହରେ ଦେଖିବାକୁ ମିଳିଥିଲା ହୋହଲ୍ଲା । ବିରୋଧୀ କଂଗ୍ରେସ ଓ ବିଜେପିଙ୍କ ହଟ୍ଟଗୋଳ ହେଉଥିବା ନଜର ଆସିଥିଲା । ଗୃହର ମଧ୍ୟଭାଗକୁ ଆସି ହୋହଲ୍ଲା ଓ ନାରାବାଜି କରିଥିଲେ ବିରୋଧୀ । ଫଳରେ ଗୃହକାର୍ଯ୍ୟ ଚାଲିବା ସମ୍ଭବ ପର ନଥିଲା । ବାଧ୍ୟହୋଇ ଦିନ ୧୧.୩୦ଟା ପର୍ଯ୍ୟନ୍ତ ଗୃହ ମୁଲତବୀ କରିଥିଲେ ବାଚସ୍ପତି ।
ସୂଚନା ଯେ, ବିଧାନସଭା ଆରମ୍ଭରୁ ପୂର୍ବତନ ମନ୍ତ୍ରୀ ନବ ଦାସଙ୍କ ହତ୍ୟା ଘଟଣାକୁ ନେଇ ହୁଲୁସ୍ତୁଲ ହୋଇଥିଲା ଗୃହ । ତଦନ୍ତଭାର ସିବିଆଇକୁ ଦେବାକୁ ବିଜେପି ସଦସ୍ୟମାନେ ଦାବି କରିଥିଲେ । ପ୍ଲାକାର୍ଡ ଦେଖାଇ ବିଜେପି ବିଧାୟକ ପ୍ରତିବାଦ କରିଛନ୍ତି । ରାଜ୍ୟରେ ଆଇ ଶୃଙ୍ଖଳା ପରିସ୍ଥିତି ବିପର୍ଯ୍ୟସ୍ତ ନେଇ କଂଗ୍ରେସର ପ୍ରତିବାଦ । ସେପଟେ ନିଜ ନିଜ ସିଟ୍ରେ ରହି ବିଜେଡି ବିଧାୟକଙ୍କ ପ୍ରତିବାଦ କରୁଥିବା ଦେଖିବାକୁ ମିଳିଥିଲା । କେନ୍ଦ୍ର ଅବହେଳା ଏବଂ ଚାଷୀ ମାରଣ ନୀତି ନେଇ ବିଜେଡି ସଦସ୍ୟଙ୍କ ପ୍ରତିବାଦ କରିଛନ୍ତି ।
