ପଦ୍ମଲୋଚନ ବିଦ୍ୟାମନ୍ଦିରରେ ବିଜ୍ଞାନ ମେଳା,୪ମନୋନୀତ
ଖଇରା : ବାଲେଶ୍ୱର ଜିଲା ଖଇରା ବ୍ଲକ ଅଧୀନ ମହତୀପୁରସ୍ଥିତ ପଦ୍ମଲୋଚନ ବିଦ୍ୟାମନ୍ଦିର ରେ ଶନିବାର ଦିନ ବିଜ୍ଞାନ ମେଳା ଅନୁଷ୍ଠିତ ହୋଇ ଯାଇଛି । ମୋଟ ଜୁନିୟର ଓ ସିନିୟର ସ୍ତରରେ ୧୭ଟି ପ୍ରକଳ୍ପ ସ୍ଥାନିତ ହୋଇଥିଲା । ସିନିୟରରେ ଦିବ୍ୟଜ୍ୟୋତି ଘଡେଇ,ଚିନ୍ମୟ ସାମଲ ଓ ଜାନିସ୍ମିତା ବେହେରା ଏବଂ ଜୁନିୟରରେ ପ୍ରେମସାଇ ଜିଲାସ୍ତରକୁ ମନୋନୀତ ହୋଇଛନ୍ତି । ଅଧ୍ୟକ୍ଷ ଭାଗିରଥି ବିଶ୍ୱାଳ ଙ୍କ ପୌରହିତ୍ୟରେ ଆୟୋଜିତ ସଭାରେ ପରିଚାଳନା କମିଟିର ସଭାପତି ରତ୍ନାକର ଜେନା,ସଙ୍କୁଳ ପ୍ରମୁଖ ଅକ୍ଷୟ ଜେନା ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ବିଚାରକ ଭାବେ ମହତୀପୁର ହାଇସ୍କୁଲର ବିଜ୍ଞାନ ଶିକ୍ଷକ ନିରଞ୍ଜନ ମଲ୍ଲିକ ପ୍ରକଳ୍ପର ମୁଲ୍ୟାୟନ କରିଥିଲେ । ଗୁରୁମା ପ୍ରତିମାରାଣି ସ୍ୱାଇଁ,ଉର୍ମିଳା ବେହେରା, ହରପ୍ରିୟା ମହାପାତ୍ର ଓ ପ୍ରଭାତି ନାୟକ,ଗୁରୁଜୀ ସୁଶାନ୍ତ ସାମଲ ପ୍ରମୁଖ ସହଯୋଗ କରିଥିଲେ ।ଫଟୋ-ଖଇରା୧-ବିଚାରପତି ପ୍ରକଳ୍ପ ମୁଲ୍ୟାୟନ କରୁଛନ୍ତି ।
