ଆଜିଠୁ ଖୋଲିବ ସ୍କୁଲ, ପଶ୍ଚିମ ଓଡ଼ିଶାର କିଛି ଜିଲାରେ କାଲିଠୁ ସକାଳୁଆ ସ୍କୁଲ
ଭୁବନେଶ୍ୱର : ଖରା ଛୁଟି ପରେ ରାଜ୍ୟରେ ଆଜିଠୁ ପୁଣି ସ୍କୁଲ ଖୋଲୁଛି । କିନ୍ତୁ ପଶ୍ଚିମ ଓଡ଼ିଶାର କିଛି ଜିଲାରେ ଆସନ୍ତାକାଲିଠୁ ସକାଳୁଆ ସ୍କୁଲ ହେବ । ଗ୍ରୀଷ୍ମ ପ୍ରବାହ ଯୋଗୁଁ ସୁନ୍ଦରଗଡ଼, ସମ୍ବଲପୁର, ଝାରସୁଗୁଡ଼ା, ବରଗଡ଼, ଅନୁଗୁଳ, ସୁବର୍ଣ୍ଣପୁର ଓ ବଲାଙ୍ଗୀରରେ ଛୁଟି ବଢାଇଛନ୍ତି ଜିଲାପାଳ ।
ଝାରସୁଗୁଡ଼ା ଜିଲାର ସବୁ ସ୍କୁଲ କାଲିଠୁ ଖୋଲିବ । ଏନେଇ ଜିଲାପାଳଙ୍କ ପକ୍ଷରୁ ସୂଚନା ଦିଆଯାଇଛି । ୨୨ରୁ ୨୪ ତାରିଖ ପର୍ଯ୍ୟନ୍ତ ଜିଲାର ସବୁ ସ୍କୁଲ ସକାଳୁଆ ଚାଲିବ । ସକାଳ ୬ଟା ୩୦ରୁ ୧୦ଟା ପର୍ଯ୍ୟନ୍ତ ପାଠପଢା ହେବ । ସମ୍ବଲପୁର ଜିଲାରେ ମଧ୍ୟ ସ୍କୁଲ କାଲିଠାରୁ ଖୋଲିବ ସ୍କୁଲ । ଜିଲାରେ ୨୪ ତାରିଖ ଯାଏ ସକାଳ ୬ଟା ୩୦ରୁ ୧୦ଟା ପର୍ଯ୍ୟନ୍ତ ପାଠପଢା ହେବ । ସକାଳ ୯ଟା ୩୦ରୁ ୧୦ଟା ମଧ୍ୟରେ ପିଲାଙ୍କୁ ମଧ୍ୟାହ୍ନ ଭୋଜନ ମିଳିବ । ୨୬ ତାରିଖରୁ ନିୟମିତ ସମୟ ଅନୁସାରେ ସ୍କୁଲ ଚାଲିବ ।
