ଆର୍ସିଏମ୍ଏସ୍ର ସଭାପତି ହେଲେ ସର୍ବେଶ୍ୱର ମହାନ୍ତି
ବାଲେଶ୍ୱର : ବାଲେଶ୍ୱର ଆଞ୍ଚଳିକ ବାଣିଜ୍ୟ ସହଯୋଗ ସମିତିର (ଆର୍ସିଏମ୍ଏସ୍) ସଭାପତି ନିର୍ବାଚନ ଅନୁଷ୍ଠିତ ହୋଇଥିଲା । ଏହି ନିର୍ବାଚନରେ ୧୫ ଜଣ ନିର୍ଦ୍ଦେଶକ ଭୋଟର ଭାବେ ପ୍ରତିଦ୍ୱନ୍ଦିତା କରୁଥିବା ପ୍ରାର୍ଥୀଙ୍କୁ ଭୋଟ୍ ଦେଇଥିଲେ । ବିଜେଡି ସମର୍ଥିତ ପ୍ରାର୍ଥୀନୀ ଭାବେ ପୁଷ୍ପଲତା ସାମଲ ପ୍ରତିଦ୍ୱନ୍ଦିତା କରୁଥିବା ବେଳେ ଭାଜପା ଓ କଂଗ୍ରେସ ମିଳିତ ଭାବେ ସର୍ବେଶ୍ୱର ମହାନ୍ତିଙ୍କୁ ପ୍ରାର୍ଥୀ କରିଥିଲେ । ନିର୍ବାଚନ ଫଳାଫଳରେ ଶ୍ରୀ ମହାନ୍ତି ୧୧ ଖଣ୍ଡ ଭୋଟ୍ ପାଇଥିବା ବେଳେ ବିଜେଡ ପ୍ରାର୍ଥୀନୀଙ୍କୁ ୪ ଖଣ୍ଡ ଭୋଟ୍ ମିଳିଥିଲା । ନିର୍ବାଚନ ଅଧିକାରୀ ଶ୍ରୀ ମହାନ୍ତିଙ୍କୁ ବିଜୟୀ ଘୋଷଣା କରିଥିଲେ । ତାଙ୍କୁ ନିର୍ଦ୍ଦେଶକମାନେ ଫୁଲତୋଡ଼ା ଦେଇ ସ୍ୱାଗତ କରିଥିଲେ ।
